Lûm 3:26 - Mundani

²⁶ Ka àfɨ̀Ꞌ yaa Mbɔ̧ɔ̧mà nyɨꞋte ane èvə Yesò nê yea ngɨ̀à mènəè mi àfɨ̀Ꞌ àgème ndɨŋndɨ̀ŋ, mě nyɨ̀Ꞌte nê wòt yea nɨa mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wu wòt wu tà zi èntɨ̧ɨ̧ vi ane Yesò Klistò la.

Lûm 3:26 Referans Kwoze

Lûm 4:5

Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

Lûm 8:33

Wòt wu tàa li zǐ ànəê àtsəa bòt bu Mbɔ̧ɔ̧mà làà la wu wàà? Wu Mbɔ̧ɔ̧mà zìambɔŋ ka tàa shua nê wòt tɨ̧ɨ̧ ndɨŋndɨ̀ŋ a mbì li la.

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Lûk 1:80

Waã wu li ntsə, èyì tò e mè me kwèꞋne. Tà lɔ̀Ꞌ ngà ntsèke àbâ àlaꞋ àyuube tè ngà ndzə àfɨꞋa Mbɔ̧ɔ̧mà nàa ghɨ̌ bòt Izəèlȩê aa ko atò la.

Lûm 3:25

Mbɔ̧ɔ̧mà li ŋǎ atò tà kɨ̀Ꞌɨ̂ mpfə a mbɨ̧̀ mbasa, àlo̧ atò a tsì ndɔ̀ mènəè kàbɔ̀ŋ, mbɨ̀Ꞌɨ̀ wòt ègème tà zi èntɨ̧ɨ̧ vi ane Yesò Klistò la nàa peme yùà. Mbɔ̧ɔ̧mà li ngɨ̀ àyaa mbɨ̀Ꞌɨ̀ enɨ nyɨꞋte nê yea ngɨ̀à mènəè ndɨŋndɨ̀ŋ. È li ngu àfɨꞋa mbì tà me baãaã èntɨ̧ɨ̧ vi, tà kà wua ndzàŋà ndzìà bòt bu bɔ li ngua ngɨ̀à a kàbɔ̀ŋ la a èbem ngoꞋ.

Lûm 3:27

A wu anè, ko wòt nàa mě me wu̧u̧ nkùꞋ zi shua nê ghàà? Àghɨ a te ntsě. Àghɨa àa kele wòt nê tà ka me wu̧u̧ nkùꞋ zi la wu ghàà? Wu mbɨ̧ wòt nàa me shu nê yea nɔ̀ŋà la? ÀwɔꞋ, wu màndzia èntɨ̧ɨ̧ ane Yesò Klistò, ka nàa kele wòt a màngu̧a nkùꞋ zi la.