Bib sou entènèt

Lûm 2:7 - Mundani

⁷ È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Gade chapit la Kopi

tounen moute ⬆

Lûm 2:7
38 Referans Kwoze

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

2 Tɔ̀màtià 1:10

Ka ne àfɨ̀Ꞌ yaa, ba yea ntsɔ̧̀ Mbɔ̧ɔ̧mà mbɔŋ, nkàà nê Tǎt wa Yesò Klistò wu tà wu Mpemnà la è kɨꞋɨ̀. Tà loote nkwete èvə, mè nyɨ̀Ꞌte nê, ba bɨ̧ɨ̧nà Ntu̧ Ntsɔ̧̀ yu, ko baa bɔ ngule mèmpème kàlìà kà wu tsi epfə.

1 Kɔlìn 15:58

È wu ale, à ngule bɔnyɨ bɔ̧, bɨ̀ tɨ̧ɨ̧ ntsɔ̧̀, àghɨ à ka nyìꞋì àwɨ̧. Bɨ̀ me ghɨ̌ àfaꞋa Lefɨ̀Ꞌ nɨa ngà nè mbì àfɨ̀Ꞌ àgème, ndɨ̀ wu bɨ ko nê betsiꞋa àfàꞋ àyɨ̧ abua Lefɨ̀Ꞌ à ka tse àku la.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Gàlashìà 6:9

Ale, bà ka nkaã a màngɨa ntsɔ̧̀ nkàà nê, àfɨ̀Ꞌ aa ghɨ̌ nkùꞋ, ba bɔ àbȩ̀ aya, na è me wu ale ba bakà kaã la.

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

Lûm 2:10

Ka Mbɔ̧ɔ̧mà bɔ̂ ngu wùꞋte, e kukte, e mě ŋa àlàŋkà èntɨ̧ɨ̧ abua waa waa tàa ngɨ̀a ntsɔ̧̀ la, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

1 Jɔ̌n 2:25

Eyaa wu àghɨa Yesò Klistò zìambɔŋ li nkàꞋ àwa la. Tà li nkàꞋ àwa mèmpème kàlìà.

Lûm 9:23

Mbɔ̧ɔ̧mà li ngɨ̀ anè mbɨ̀Ꞌɨ̀ nyɨꞋte ènɨ̧ vi wu e ghe la abua bòt bu tàa nkua tèsȩ tɔb, è wû bòt bu tà li ndzaŋe taŋke nê bɔɔ li bɔ ènɨ̧ la.

Jɔ̌n 5:44

Bɨ̀a nkɔ̀ŋkà wòt wɨ̧ naa me wùꞋtè wanyɨ vi, ka bɨ̀ ka wua nyɔ̀Ꞌtà nkɨ̌ è ghɨ̌ èghɨ ndàꞋa Mbɔ̧ɔ̧mà nàa wùꞋtè àwɨ̧ la.

Ebùlù 6:15

Ale, Abàlàghâm kùùle èntɨ̧ɨ̧ nchɨ̀Ꞌ tè ngɨ̀ mbɔ̀ àghɨa Mbɔ̧ɔ̧mà li nkàꞋ atò la.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Lûk 21:19

Bɨ kuulà mèntɨ̧ɨ̧ mɨ̧ tè ngà ndzəè a mèndìa, ko bɨa li bɔ mèmpème.”

Jɔ̌n 4:36

Wòt wu tàa fùꞋà la, tàà mbɔ àbȩ̀ àfàꞋ àzi, mbɔ̂ ngua fete bòt mbɨ̀Ꞌɨ̀ bɔɔ bɔ mèmpème kàlìà. Ale, wòt màndiꞋa nè wòt màfuꞋa bɔɔ fɔte ewùꞋtè àwɔb.

1 Kɔlìn 15:42

Eyaa bê ngu ndɨ mbɨ̧te ènyit bòt bɔ pfəꞋte la tèa li wu tsa àfɨꞋa bɔ yu̧u̧me la. Mbɨ̧̀ ènyit bɔ zǐ a si la nàà fìà, ka è ye è dzə a èbem èsî la ka wua fìà.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

Efesɔ̀s 6:24

Maà ntsàꞋtà nê, Tǎt wa Mbɔ̧ɔ̧mà nyɨꞋte a ntsɔ̧̀ vi ane bòt bàgème bɔ̀ɔ nkɔ̀ŋkà Yesò Klistò Lefɨ̀Ꞌ wa nè èkɔŋ kà wu lìa la.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

Ebùlù 2:7

A shuke atò a si ane àtem àfɨ̀Ꞌ àko tè ntsè bɔntu̧ bê, àfɨ̀Ꞌ a tsekè me wu à ghɨ̀ tà bɔ̀ ènɨ̧ tè waa waa me ŋa kènuke abua tò.

Swiv nou:

Lyen patwone

Piblisite

Piblisite