Lûm 2:28 - Mundani

²⁸ È ntsě èghɨ bu wòt nàa ngɨ̀à mbɨ̀Ꞌɨ̀ ndɨ̧ Bèjuê è kɨa la, ka àa ngɨ̀à wòt ane ndâ wòt Juê la. È kà meè ngu a mànaŋa wòt a mbɨ̧̀ ènyit tò ka àa ngɨ̀à Mbɔ̧ɔ̧mà bɨ̧̀ɨ̧̀nâ nê tà wu wòt vi la.

Lûm 2:28 Referans Kwoze

Gàlashìà 6:15

Kò bɔ naŋe wòt kò bɔ bakà naŋe leꞋ, ko àyu ntsě ànəê. NdàꞋ àyea è wu ànəê la wu ndɨ wòt nàa tsiꞋi wòt fi la.

Matìù 3:9

Bɨ̀ ka me ŋeꞋe awɨ̧ a ègwet è shua nê, Abàlàghâm wu tǎt nyaꞋ wɨ̧. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yaa e ghɨ̌ aa tsiꞋi bòt àndǎ̧ Abàlàghâm.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

Lûm 2:17

È me wu awê wu àa ntɔ awê ane Juê la, ko àyê àa li wu naa? À gha ane ndɨ̀ wu à ko mbɨ̧ Musì la me wu̧u̧ nkùꞋ ye shua nê ye ko a Mbɔ̧ɔ̧mà.

Jɔ̌n 1:47

ÀfɨꞋa Yesò yea Nàtanìà nkɨ̀Ꞌa la, tà nê, “Bɨ̀ ye ngule wòt Izəèlȩê, kà ye ànəa fɨte ane zi!”

Efesɔ̀s 2:11

Bɨ̀ ku̧u̧te nê bɔ̀ le kaꞋa bi awɨ̧ a èbem àndǎ̧ Bèjuê. Bèjuê aa nàŋa awɔb e nɨ nyɨꞋte nê bɔ wu bòt Mbɔ̧ɔ̧mà. Bɔɔ shua nê bɨ ntsě bòt Mbɔ̧ɔ̧mà ndɨ̀ wu bɔ̀ɔ ka nàŋe awɨ̧ la. Ka e naŋe wòt bɔ̂ ngu wu àghɨa wɔ̀bȩ̂ è nɨ àbu azi ngɨ̀ a mbɨ̧̀ ènyit la.