Lûm 2:19 - Mundani

¹⁹ À lâ nko àwɔ̀ mbɔŋ nê ye wu wòt yèa mbà̧aã àbu a bòt àghɨ àleme la, mè ngu èkaꞋà abua bòt bɔ̀ wu a èbem ndzěm la,

Lûm 2:19 Referans Kwoze

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

Jɔ̌n 9:34

Bɔ shu abua tò nê, “Bɔ li mbia wê kwàꞋ a èbem mènəè kàbɔ̀ŋ, ngule si àghɨ yu à ko te enyɨꞋte awa la wu ghà à?” Bɔ ghɨ̀ ale mbɔ̂ ntsi atò ayɔɔ bòt lob Mbɔ̧ɔ̧mà.

Matìù 15:14

È wu ale, bɨ sà wɔb a si, bɔ wu bòt àghɨ àleme nkɨ enyɨꞋte beko èlu̧ la. Wòt àghɨ àleme baãaã àbu wòt àghɨ àleme ko bɔ̀ɔgème aa chɨ̧ɨ̧ a èbem èbɨ.”

Matìù 6:23

Ka àghɨ a wòt a bakà wua mbɔ̀ ko taa wu wuê a èbem ndzěm. Ale, àghɨa àa a èntɨ̧ɨ̧ wòt la wu ndzěm, ko mèntsèke tò ègème naa me fene mbɨꞋɨ̀ ndzěm mbɔŋ.

Matìù 5:14

“Bɨ wu mbɨ̀Ꞌɨ̀ èkaꞋà ayɔɔ bòt sitsǎꞋ. BetsiꞋa bɔ ka və taꞋà àpfəè a ègwet èkɔŋ a lò̧ò̧tè.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Ntu̧ Ntsɔ̧̀ MAK 10:15

TsiꞋ è shu awɨ̧ ane nkûŋ nê, wòt bakà bɨ̧ɨ̧ne a Kèfɔ̧̀ Mbɔ̧ɔ̧mà mbɨ̀Ꞌɨ̀ watèchɨɨle, ŋut li tà kà nyi a èbem wùà.”

Matìù 4:16

Bòt bu bɔ li ntsèke a èbem ndzěm la, e ye taꞋa èkaꞋà. È me wu èbu bɔ li ntsèke àlaꞋ mbɨ̀Ꞌɨ̀ bɔ wu a èbem ndzěm èvə la, ko èkaꞋà e pùùla abua yɔb.”

Lûm 2:18

Àà mè shua nê ye ko àghɨa Mbɔ̧ɔ̧mà nàa nkɨà nê yè ghɨa, mbɨ̧ mè nyɨ̀Ꞌte avi tè ye ko àghɨa è wuê àyea nkûŋ la.

Lûm 2:20

nê ye wu nyɨꞋtà bòt bu kà ko mènəè Mbɔ̧ɔ̧mà la, mè ngu nyɨꞋtà bòt bu bɔ̀ baka zìꞋì nkwèèle ane mènəè Mbɔ̧ɔ̧mà la. Mè ndâ nko àwɔ̀ mbɔŋ nê ndɨ̀ wu à ko mbɨ̧ la, à ko àghɨ àgème, mè nko nkûŋ.