Lûm 2:16 - Mundani

¹⁶ Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

Lûm 2:16 Referans Kwoze

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

ÀfaꞋa 10:42

Tà li shu abua ya nê, bà gha ntsɔ̀tè Ntu̧ Ntsɔ̧̀ Mbɔ̧ɔ̧mà abua bòt bàgème, me shu abua yɔb nê ye wu wòt wu Mbɔ̧ɔ̧mà è laa nê taa li esaꞋa bòt yu̧ nè bèmpfəà la.

Lûk 8:17

Bɨ̀ ko nê, èghɨ bɨ ghɨ a ndò̧ la aa li dzəâ àbȩ, àyea bɨ kabte la a tùꞋa mpùùla ayaã.

1 Pità 4:5

Ka bɔɔ li làꞋa ànəa èghɨ ngaa bɔ̀ɔ ngɨ̀à la abua Mbɔ̧ɔ̧mà wu tàa saꞋa bòt yu̧ nè bèmpfəà la.

Lûm 3:6

A mbê ntsě ale. Mbɔ̧ɔ̧mà bakà wua saꞋa mènəè ndɨŋndɨ̀ŋ, ko tàa saꞋa ngɔ̀ŋ naa?

2 Pità 2:9

Mènəè maa ègème wua nyɨ̀Ꞌta nê, Mbɔ̧ɔ̧mà ko ndɨ tàa tsǐ bòt bu bɔ̀ɔ ngɨ̀a àghɨa tàa nkɨà la a èbem ngoꞋ tɔb la, mè nko ndɨ tàa nɔ̀ŋe bòt kàbɔ̀ŋ e me chɨ̀Ꞌɨ̀ àlia tàa saꞋa ngɔ̀ŋ e zi àwɔb a èbem ngoꞋ la.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

2 Tɔ̀màtià 2:8

Me ku̧u̧te a Yesò Klistò, tà li mpfə mè njù̧ù̧mê la. Tà lè wu wòt àndǎ̧ Fɔ̧̀ Dàbid, mbɨ̀Ꞌɨ̀ Ntu̧ Ntsɔ̧̀ yàa e ntsɔ̀tà la nàa nyɨ̀Ꞌta la.

1 Tɔ̀màtià 1:11

Mènəè maa e dzə a èbem Ntu̧ Ntsɔ̧̀ yu Mbɔ̧ɔ̧mà li ndzì a tèkitebu taã nê è me tsɔ̀tè la. Ntu̧ mbɔŋ nàà nyɨ̀Ꞌta ènɨ̧ Mbɔ̧ɔ̧mà wu, tà wû ndàꞋ wòt bòt àa ngùꞋtà la.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Jɔ̌n 12:48

Àghɨ aa və àa li saꞋa waa waa tà tu̧ am, mè ntu̧ ànəa mâ shu la. Mèngǎ̧ mâ làꞋà la ka nàa li esaꞋa ŋut àlia ngɔ̀ŋ nàa li elìà la.

Ebùlù 9:27

Waa waa bɔ ndɨ tàa pfə ngò̧ yemɔ̀Ꞌ, e me lɔ̀Ꞌɔ Mbɔ̧ɔ̧mà naa saꞋa atò la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

2 Kɔlìn 5:10

Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.

Lûm 2:5

Ka ndɨ̀ wu a kweele èntɨ̧ɨ̧ wê, ntu̧u̧ kubte la, à wua mpàa nkwèꞋnà ntsǒ Mbɔ̧ɔ̧mà a ègwet lè, mbɨ̀Ꞌɨ̀ è li è wu ane àli yu tàa saꞋa waa waa ndɨŋndɨ̀ŋ la, a bê mbɨ̀ àwê.

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Gàlashìà 1:11

TsiꞋ è shu abua yɨ̧ bɨ̀a bɔnyɨ bɔ̧ nê, Ntu̧ Ntsɔ̧̀ yu e ndi ndàꞋ la li è ka wu Ntu̧ Ntsɔ̧̀ wɔ̀bȩ̂ ghɨ̀ la.

1 Kɔlìn 15:1

Bɔnyɨ bɔ̧, maà nkɨ ku̧u̧te awɨ̧ àfɨ̀Ꞌ yaa ànəa Ntu̧ Ntsɔ̧̀ yu e ndi ntsɔ̀te abua yɨ̧, bɨ zə mbɨ̧̀ɨ̧̀nê mê mbaã me kweele adù̧ la.