Lûm 16:3 - Mundani

³ Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 16:3 Referans Kwoze

2 Tɔ̀màtià 4:19

TsàꞋte a Plìsilà bɔ̂ Àkwilà, nè bòt lob Ònesìfolùs ŋa abua am.

1 Kɔlìn 16:19

Bèchɔsì bu a Esìà la aa ntsàꞋtà wɨ̧. Àkwilà bɔ̂ Plìsilà nè ènɔ̧̂ bòt Mbɔ̧ɔ̧mà bu bɔ̀ɔ mbu̧u̧ta a lob yɔb la aa ntsàꞋtà wɨ̧ nè èkɔŋ bòt Mbɔ̧ɔ̧mà.

ÀfaꞋa 18:26

Mbɨ̀Ꞌɨ̀ tà kɨꞋɨ a Efesɔ̀s ale la, tà bùꞋ me làꞋa èngǎ̧ Mbɔ̧ɔ̧mà a èbem lob tò. AfɨꞋa Plìsilà bɔ̂ Àkwilà e zə mènəè tà làꞋà la, bɔ nɨ atò nga àpfəa yɔb me paa nèètà ngàꞋte alu̧ Mbɔ̧ɔ̧mà nyɨ̀Ꞌta tò.

1 Kɔlìn 16:16

Mâ shu̧u̧te awɨ̧ nê bɨ̀ me zə èwuu bòt baa, nè bòt ko tsa bɔ̀ɔ fɔta fàꞋà nè Stefanàs ba la.

Lûm 16:9

Bɨ̀ tsàꞋtè Yubanùs, è wu wòt bàa tò ba àa fàꞋà abua Yesò Klistò nɔ̂ la, mè ntsàꞋtè ngule shu̧ yaã Stachis.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Lûm 8:2

Mbɨ̧ Fo Mbɔ̧ɔ̧mà yu nàa ngɨ̀à wòt bɔ̌ mèntsèke fi, ndɨ̀ wu tà tsìꞋi àghɨ yeamɔꞋ nè Yesò Klistò la, è tsì mbɨ̧ yu a ègwet laã nàa ngɨ̀à e ngɨa kàbɔ̀ŋ, è mè nɨa èvə nkɨ̀Ꞌa adù̧ yaã la.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Lûm 16:4

Bɔ li ntsìꞋa nkɨ epfə ambo yaã. E ntsě wuê ndàꞋà mmɔ̌ màa ŋa mènkɔ̀ŋke abua yɔb ane àghɨa bɔ li ngɨ̀ ane yaã la, bèchɔsì bòt kà wu Bèjuê bu bàgème aà ŋa mènkɔ̀ŋke abua yɔb mɨ̧̂.

Lûm 16:7

Bɨ̀ tsàꞋte Àndòlonikùs bɔ̂ Junìàs, è wu bòt àlaꞋ bɔ̧, bàà tò ba e li ngua tèfȩ nɔ̂ la. Bòt e ko awɔb ntsɔ̧̀ ayɔɔ bɔntu̧ Yesò Klistò, bɔ mè ngu bòt bɔ li mbɨ̀ ndzì mèntɨ̧ɨ̧ mɔb ane Yesò ka maa zì èwɔ̧ la.

Lûm 16:10

Bɨ̀ tsàꞋte Apelès wu tà lâ nyɨ̀Ꞌte nê yeà ndzəèa Yesò Klistò la. Bɨ̀ tsàꞋte bòt lob Alistobulùs.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

2 Kɔlìn 12:2

Mâ ko wòt kǒ tà wu wòt Yesò Klistò la. Bɔ li nɨ atò àfɨ̀Ꞌ àko ngà tè ntsè ègwet nga a ègwet àdziꞋa Mbɔ̧ɔ̧mà wù la. Kò ŋut li ngà nè nkèm zi, kò wu wuê àlɨ̀ŋka tò ka a li ngà la leꞋ, ko e mbakà koê, wu Mbɔ̧ɔ̧mà ka tà ko la. Àfɨ̀Ꞌ ya wu èngùꞋebȩ ntsɔ̀b yekwì mbɨ̀Ꞌɨ̀ àyaa a tsè la.

Gàlashìà 1:22

È me wu àfɨꞋa mbɔŋ ale, bòt bèchɔsì Yesò bu a Jùdià la è ka lem nko am ane èsi.

Filìpȩ 2:25

Mâ kwaꞋtè nê, a wu ntsɔ̧̀ nê, è mvəèəè wanyɨ wa Èpaflɔ̀ditùs tà kɨꞋɨ ndzè àwɨ̧ mɨ̧̂. Ba tò aa fàꞋà nɔ̂ mè me fɔta nùà ànəa Yesò nɔ̂. Wu tòà wu bɨ li ntsà nê, tà kɨꞋɨ me tɨŋe am la.

Kɔ̀losìà 4:11

Yesò wu èlen tò ko wu Justùs la nàà ntsàꞋtà wɨ̧ mɨ̧̂. Ane Bèjuê bu bɔ zì mèntɨ̧ɨ̧ mɔb ane Yesò Klistò la, wu ndàꞋà bòt baa batat ba tò ba àa fàꞋà nɔ̂ mbɨ̀Ꞌɨ̀ e ghɨ̌ Kèfɔ̧̀ Mbɔ̧ɔ̧mà naa kɨꞋɨ la. Bɔ taꞋa tɨŋe am.