Bib sou entènèt

Lûm 16:26 - Mundani

²⁶ Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Gade chapit la Kopi

tounen moute ⬆

Lûm 16:26
34 Referans Kwoze

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

Gàlashìà 3:8

Bɔ li ndɔ̀Ꞌ shu a èbem Àkata Mbɔ̧ɔ̧mà nê, Mbɔ̧ɔ̧mà naa li ghɨ̌ bòt kà wu Bèjuê aa tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wɔb bɔ zi ane tò la. Ale, tà bèle àfɨꞋa tsa ntsɔ̀tè Ntu̧ Ntsɔ̧̀ zi abua Abàlàghâm nê, “ÈlaꞋ ègème aa li eghǎ ambo yè ebɔ èlɔ̂t.”

Lûm 15:18

Maa me laꞋà wuê ànəa àghɨa Yesò Klistò ètsè ane yaã ngɨ̀ mbɨ̀Ꞌɨ̀ maa ghɨ̌ bòt kà wu Bèjuê aa me zəa Mbɔ̧ɔ̧mà la.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

2 Tɔ̀màtià 1:10

Ka ne àfɨ̀Ꞌ yaa, ba yea ntsɔ̧̀ Mbɔ̧ɔ̧mà mbɔŋ, nkàà nê Tǎt wa Yesò Klistò wu tà wu Mpemnà la è kɨꞋɨ̀. Tà loote nkwete èvə, mè nyɨ̀Ꞌte nê, ba bɨ̧ɨ̧nà Ntu̧ Ntsɔ̧̀ yu, ko baa bɔ ngule mèmpème kàlìà kà wu tsi epfə.

Kɔ̀losìà 1:26

Ntu̧ mbɔŋ wu ànəa ndò̧ yu tà li ndò̧ abua bòt bàgème ebùꞋù tê a mèngùꞋu mbì la. Ka àfɨ̀Ꞌ yaa, tà tùꞋu yùà abua bòt bi.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Lûm 15:4

Àghɨ àgème bɔ li shɨ a èbem Àkata Mbɔ̧ɔ̧mà àfɨꞋa mbì la a li ngua mànyɨꞋte awa, è me ghɨ̌ baa me kuule mèntɨ̧ɨ̧ ma, mè ndzìà mèntɨ̧ɨ̧ ma, mbɨ̀Ꞌɨ̀ baa me chɨ̀Ꞌɨ èghɨ bu ègème Mbɔ̧ɔ̧mà kàꞋà àwa la.

Lûm 1:2

Mbɔ̧ɔ̧mà li ndzaŋe kàꞋa ànəa Ntu̧ Ntsɔ̧̀ yaa, bèndàꞋàtɔŋ tò e shɨ a èbem Àkata tò.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

Efesɔ̀s 2:20

Bɨ wu àyɨ̧ bòt ko ane lob yu bɔntu̧ Mbɔ̧ɔ̧mà nè bèndàꞋàtɔŋ Mbɔ̧ɔ̧mà è wu àtetsi, Yesò Klistò zìambɔŋ wu èti tɔ̀Ꞌɔ̀ lob la.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

Lûm 3:21

Mbɔ̧ɔ̧mà lâ nyɨ̀Ꞌte àfɨ̀Ꞌ yaa ndɨ yèa ngɨ̀à ka nɨa wòt nê tà tɨ̧ɨ̧ ndɨŋndɨ̀ŋ a mbì li la. Àyaa a bakà bɔ àghɨa ko àa ghɨ̌ nê mànɔŋa mbɨ̧ la. Ka mbɨ̧ nè àghɨa bèndàꞋàtɔŋ e li shɨŋ la a li nyɨ̀Ꞌte a èlɨ ngaa mɨ̧̂.

Lûm 1:20

EbuꞋu tea àfɨꞋa Mbɔ̧ɔ̧mà li ngɨ̀ ngɔ̀ŋ la, tàa ngɨ̀à àfɨ̀Ꞌ àgème bòt e yea nê tà wu Mbɔ̧ɔ̧mà, mè ndzea nê mètàŋ tò nàa kà lìà. Bɔ li ngu ko ye nê tàa və ane èghɨ tà ghɨ̀ la. Ale, àghɨa ko bɔ̀ɔ mě nɨ ghɨ̌ te gha àku la a ntsě.

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 1:17

Mâ ye atò ale, mbê nchu mbɔ̀tè a mbì tò mbɨ̀Ꞌɨ̀ wòt tà pfə la. Ka tà nɔ̀ŋè àbualu̧ azi a ègwet laã nê, “Ka mbɔ̀â, E ngu MèmbùꞋu nè Mèndìa,

Ebùlù 13:8

Yesò Klistò nàà kà kùbtê. Tà bele wuê àghɨa tà li ndɔ̀Ꞌ ngu la àfɨ̀Ꞌ yaa, mè ngu ewu yùà ane àlia nè àlia.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Swiv nou:

Lyen patwone

Piblisite

Piblisite