Lûm 15:8 - Mundani

⁸ Maà nkɨà bɨa ku̧u̧te nê Yesò Klistò li ntsìꞋi wɔ̀fàꞋ abua Bèjuê ale, nɨŋ nyɨ̀Ꞌte nê Mbɔ̧ɔ̧mà wu wòt nkûŋ ane àghɨa tà li nkàꞋ bètǎt nyaꞋ ba la.

Lûm 15:8 Referans Kwoze

Matìù 15:24

Yesò shu nê “Bɔ li ntsàà am wuê abua bòt Izəèlȩê bu bɔ̀ wu mbɨ̀Ꞌɨ̀ njɨ̀tsə te nyɔ la.”

Jɔ̌n 1:11

Tà kɨꞋɨ abua bòt àlaꞋ yu è wù àyea tò la, bɔ̀ ka sèè atò.

2 Kɔlìn 1:20

Ale, wu tòà ka tàa ngɨ̀à àghɨ àgème Mbɔ̧ɔ̧mà kàꞋà la a wua wuê mbɨ̀Ꞌɨ̀ tà kàꞋà la. Eyaa wu lə bàa ngɨ̀ bà me ŋa kènuke abua Mbɔ̧ɔ̧mà bà laꞋnê “Àmèn” ba shu ane èlen Yesò Klistò la.

Jɔ̌n 10:16

Mâ bɔ njɨ̀te ko kà zìꞋ ngu a èbem àlaã yàa. Mâ bɔ ndɨ màa fete tùà mɨ̧̂ la. Tea zə àtɔŋ am ekɨꞋɨ, àlaã njɨ̀ yu aa tsiꞋi yeamɔꞋ e mě bɔ a mbaabà wemɔ̀Ꞌ.

Lûm 15:16

tà nɨŋ ngɨ̀ e ntsiꞋi wafàꞋ Yesò Klistò la. Maà ntsɔ̀tà Ntu̧ Ntsɔ̧̀ Mbɔ̧ɔ̧mà abua bòt kà wu Bèjuê ale, àfàꞋ am a wu mbɨ̀Ꞌɨ̀ àfaꞋa ntsìà mèpɨ̧̀, e ghɨ̌ Mbɔ̧ɔ̧mà naa nɨ awɔb mbɨ̀Ꞌɨ̀ àghɨa èpɨ̧̀ a kuꞋ, nkàà ndɨ Fo Kèfə ghɨ awɔb ane bòt Mbɔ̧ɔ̧mà la.

Lûm 3:3

Ka àbəèꞋ àyɔb ako a li à ka ghɨ̂ mbɨ̀Ꞌɨ̀ Mbɔ̧ɔ̧mà shu la. Tè betsiꞋa Mbɔ̧ɔ̧mà gha ane èlɨ̀ ngaa, è nkùbte àghɨa tà li nkàꞋ nê ye ghɨ̌ ane yɔb la a?

Efesɔ̀s 2:12

È li ngu àfɨ̀Ꞌ yaa bɨ̀a ntsèka anè la, bɨ̀ ka ko a Yesò Klistò. Bɨ li bɨ̀ ka wu ayɔɔ bòt Izəèlȩê. Bɨ li ngu bègɨ̧̀, bɨ̀ ka bɔ èghab ane mènkàꞋa kèkweelè Mbɔ̧ɔ̧mà mu tà li ngɨ̀ bɔ̂ bòt Izəèlȩê nê wu bòt bi la. Bɨ li ngua ntsèka a sitsǎꞋ ŋàa kà bɔ ntɨ̀ laꞋ nê bɨa li eye a ntsɔ̧̀ àfɨ̀Ꞌ àko, bɨ̀ ka mê nko a Mbɔ̧ɔ̧mà.

Lûm 11:30

Bɨ̀a bòt kà wu Bèjuê è le kaꞋa wua ndzəa Mbɔ̧ɔ̧mà, ka àfɨ̀Ꞌ yaa tà ku tèsȩ tɨ̧, ndɨ̀ wu Bèjuê àa ka zə atò la.

Lûm 11:22

Baa ye àdziꞋ yaa ndɨ Mbɔ̧ɔ̧mà nàa ngɨ̀a ntsɔ̧̀ la, mè nè ndɨ tàa ngòꞋtà ane èsaꞋa vi la. Tàa ngòꞋtà adù̧ bòt bu bɔ ghɨa kàbɔ̀ŋ la, mbɔ̂ me ghɨa ntsɔ̧̀ abua yɨ̧ na bɨ wu mbɨ̀Ꞌɨ̀ tà kɨa la. Bɨ bakà ghɨ ale, ko taa loo awɨ̧ ewaꞋa mɨ̧̂.

Lûm 4:16

Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème,

Lûm 3:26

Ka àfɨ̀Ꞌ yaa Mbɔ̧ɔ̧mà nyɨꞋte ane èvə Yesò nê yea ngɨ̀à mènəè mi àfɨ̀Ꞌ àgème ndɨŋndɨ̀ŋ, mě nyɨ̀Ꞌte nê wòt yea nɨa mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wu wòt wu tà zi èntɨ̧ɨ̧ vi ane Yesò Klistò la.

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

1 Kɔlìn 10:29

E shu èntɨ̧ɨ̧ tò, è nka shu èwê.) Ndɨ wòt kǒ tsa nàa mɨ̀ɨ̀tà la, àa ghɨ̀ na e kele am nê è nka njɨ àghɨa màa nkɨ jɨ la à?

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

1 Kɔlìn 10:19

È ngu anè shua nê ghà à? Tè e ngua shua nê bènàmbəa wu àghɨa nɨ̧ a ko, èghɨ bɔ nɨŋ njɨ̀a nàmbəa la mè ngu àghɨa ko?

1 Kɔlìn 1:12

Ànəa e shua la wu nê, bɨ wu a mètsəê a mètsəê. Wòt wɨ̧ nàa ngɨ̀ tà nê, “E ngu wòt Pɔ̂l”, wekǒ nê, “E ngu wòt Àpolòs” wekǒ nê “E ngu wòt Pità”, ka nè è we tàa laꞋnê “E ngu wòt Yesò Klistò” la.