Lûm 15:6 - Mundani

⁶ À wu ale mbɨ̀Ꞌɨ̀ bɨa me wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa nè ètsəê wemɔꞋ.

Lûm 15:6 Referans Kwoze

Ètsə 1:6

Tà li ngɨ̀ àwa ane bòt lèfɔ̧̀ vi, nê ba wu bèntsìà mèpɨ̧̀ bɔ̀ɔ ngɨ̀à àfaꞋa Tǎt vi Mbɔ̧ɔ̧mà la. Maà shù̧ù̧ta nê mèngùꞋte nè mètàŋ è wu abua Yesò Klistò ane àlia nè àlia. Àmèn.

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

ÀfaꞋa 4:24

AfɨꞋa bɔ zə la, bɔ̀ɔgème e fɔtè ntsàꞋtè a Mbɔ̧ɔ̧mà nê, “Mbɔ̧ɔ̧mà, wu àwɔ̀ à ghɨ̂ ègwet nè sitsǎꞋ, ngɨ̀ mèleb, nè èghɨ ègème àa tèbèm la.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

1 Pità 1:3

Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

2 Kɔlìn 1:3

Bà kɔ̀ŋke a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà wu Tǎt tàa nkua tèsȩ la, mè ngu Mbɔ̧ɔ̧mà tàa ndzìà mèntɨ̧ɨ̧ bòt la.

ÀfaꞋa 4:32

Bòt bu bɔ zì mèntɨ̧ɨ̧ mɔb ane Yesò la e li ngua fɔ̀ta ngɨ̀à àghɨ àgème nè èntɨ̧ɨ̧ wɔb wemɔꞋ. Wòt kǒ ane yɔb li tà kà shuê nê àghɨa ye bɔ la a wu abua zi zìa ndziꞋne. Waa waa li ngua ngàbtà àghɨa ye bɔ la, ŋǎ àyea wanyɨ vi.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Efesɔ̀s 1:17

shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

Kɔ̀losìà 1:3

Bàa ngɨ̀ bà me tsàꞋte a Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la ane ànəa yɨ̧ àfɨ̀Ꞌ àgème, ba me kɔ̀ŋke atò.