Lûm 15:18 - Mundani

¹⁸ Maa me laꞋà wuê ànəa àghɨa Yesò Klistò ètsè ane yaã ngɨ̀ mbɨ̀Ꞌɨ̀ maa ghɨ̌ bòt kà wu Bèjuê aa me zəa Mbɔ̧ɔ̧mà la.

Lûm 15:18 Referans Kwoze

ÀfaꞋa 15:12

Pità làꞋa ale ènɔ̧̂ bòt bu e buŋ ntsiꞋi me yute ndɨ Pɔ̂l bɔ̂ Bànabasì e shua tèwuute ènəê kà ye fɨ̀Ꞌ bɔ̂ mènəè ngɨŋa Mbɔ̧ɔ̧mà eŋa wɔb mètàŋ bɔ ghɨ̀ a kètsìà bòt kà wu Bèjuê la.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

ÀfaꞋa 21:19

Pɔ̂l è tsàꞋtè àwɔb, mbɔ̂ nèètè shu awɔb èghɨ ègème Mbɔ̧ɔ̧mà è ghɨ ye ghɨ a kètsìà bòt kà wu Bèjuê la.

Gàlashìà 2:8

Mbɔ̧ɔ̧mà li ngɨ̀ e ntsiꞋi wantu̧ tò a màndaꞋa èngǎ̧ tò abua bòt kà wu Bèjuê, wuê mbɨ̀Ꞌɨ̀ tà li ngɨ̀ Pità tsìꞋi wantu̧ tò a màndaꞋa èngǎ̧ tò abua Bèjuê la.

2 Tèsàlonikà 2:17

E tsàꞋtà nê tà ghɨa bɨ̀ bɔ èntɨ̧ɨ̧ kekweelè, mè ngɨ̀ ndɨ bɨ̀a me ko ntsèka àfɨ̀Ꞌ àgème ngɨ̀à mè ndàꞋà wuê mènəè nàa mbɔ̀ la.

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Jûd 1:9

Ka wuê Mȩkèl wu tà wu àtsəa bɔntu̧ Mbɔ̧ɔ̧mà la li tà ka ghɨ̂ èwuu ànəê ale. È li ngu àfɨꞋa bɔ Satàn àa ndzɔ̀ ane ànəa àpfəꞋta Musì la, tà kà laꞋa kàbɔ̀ŋ adù̧ Satàn wu. Tà li shu wuê nê, “Mbɔ̧ɔ̧mà è ŋȩte awê.”

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.

Jimsì 1:22

Bɨ̀ ka me fɨte awɨ̧ bɨ̀ambɔŋ ndzəèa àghɨa èngǎ̧ Mbɔ̧ɔ̧mà e shua la zə, bɨ̀ me ghɨ̀ mbɨ̀Ꞌɨ̀ e shua la.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Kɔ̀losìà 3:17

Bɨ̀ me ghɨ̌ àghɨ àgème, mè ndàꞋà ànəê àgème wuê ane èlen Yesò Lefɨ̀Ꞌ, mbɨ̀Ꞌɨ̀ bɨ̀a ntsea ane tò ŋǎ mènkɔ̀ŋke abua Tǎt wa Mbɔ̧ɔ̧mà la.

2 Kɔlìn 12:6

E me kɨ me ghàꞋtè am ko e ntsea ngɨ̀à mbɨ̀Ꞌɨ̀ àkèghɨ̧̀ nkàà nê e nga me làꞋà wuê ànəa è wu nkûŋ la. Ka è nka wuê me ghàꞋtè am mbɨ̀Ꞌɨ̀ bòt e me kuke am tè ntsè àghɨa è ngu yùà la, nè àyea bɔ̀ɔ ndzəa e ndàꞋà la.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 15:4

Bɔ ghà tê bɔ̀ nyi a Jèlusalèm, bòt chɔsì, nè bɔntu̧ tò, nè bɔɔjuŋ ayɔɔ bòt Yesò bu e sèè àwɔb. Bɔ bɔ̂ shu awɔb àghɨ àgème Mbɔ̧ɔ̧mà li ngɨ̀ bɔ ghɨ̀ la.

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

Ntu̧ Ntsɔ̧̀ MAK 16:20

Bɔkatè Yesò e li ngà èdzìꞋ ègème ntsɔ̀te Ntu̧ Ntsɔ̧̀. Lefɨ̀Ꞌ me fàꞋa bɔ̂ tò ba, ngɨ̀à bɔ ghɨ̀à èghɨ àa nyɨ̀Ꞌta mètàŋ tò la, nɨa nyɨ̀Ꞌta nê èngà̧ wu bɔ làꞋà la wu nkûŋ.]

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

2 Kɔlìn 3:5

Ba ntsea shua nê ba ghɨ̀à àfàꞋ yaa ane mètàŋ ma. Wu Mbɔ̧ɔ̧mà ka tà ŋa awa mètàŋ ba me nɨa ngɨ̀à àghɨa bàa ngɨ̀à la.

Matìù 25:16

WafàꞋ wu bɔ yaã ŋà bètɔsì batà̧â̧ abua tò la, ghà ndzì ane èwen, bètɔsì batà̧â̧ e mè nyî a ègwet.