Lûm 14:9 - Mundani

⁹ Yesò Klistò li mpfə mè njù̧ù̧me, mbɨ̀Ꞌɨ̀ wu Tǎt abua bòt bɔ pfəꞋte la nè bòt bɔ̀ bele be yû̧ la.

Lûm 14:9 Referans Kwoze

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Lûk 24:26

Tè bɨ bakà ko laꞋ nê Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ ka bɔ tseke a ègwet àtɨ̧ Kèfɔ̧̀ Mbɔ̧ɔ̧mà la à?”

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

ÀfaꞋa 10:42

Tà li shu abua ya nê, bà gha ntsɔ̀tè Ntu̧ Ntsɔ̧̀ Mbɔ̧ɔ̧mà abua bòt bàgème, me shu abua yɔb nê ye wu wòt wu Mbɔ̧ɔ̧mà è laa nê taa li esaꞋa bòt yu̧ nè bèmpfəà la.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

1 Pità 4:5

Ka bɔɔ li làꞋa ànəa èghɨ ngaa bɔ̀ɔ ngɨ̀à la abua Mbɔ̧ɔ̧mà wu tàa saꞋa bòt yu̧ nè bèmpfəà la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

Ètsə 2:8

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sìmȩnà la nê: ‘Eyaa mèngǎ̧ wòt wu tà wù MèmbùꞋu nè Mèndìa la. Wu tòà wu tà li mpfə mè njù̧ù̧me la.

Jɔ̌n 12:24

Ane nkûŋ, tsiꞋ è shu awɨ̧ nê bɔ bakà nyɔꞋɔ kèmbèm ntsəè a si tè kea tuu, kèmbèm fu kea fì, ko kea tèꞋà wuê kemɔꞋ. Mbə kè tu kèmbèm fu kè fia ka ke shɨꞋ ndzì tèbèmtsə nyaŋ.

Lûm 10:9

À shua ane ètsəê wê nê, “Yesò wu Lefɨ̀Ꞌ,” mè mbɨ̧̀ɨ̧̀ne a èntɨ̧ɨ̧ wê nê Mbɔ̧ɔ̧mà li njù̧ù̧me a Yesò a èbem èvə, ko aa bɔ mèmpème.

1 Tèsàlonikà 4:14

Ba ko nê Yesò li mpfə mè njù̧ù̧mê. Ale, ba ko mɨ̧̂ nê Mbɔ̧ɔ̧mà naa li ghɨ̌ Yesò naa nɨ bòt bu bɔ li ndzì mèntɨ̧ɨ̧ mɔb ane Yesò wu ka mpfəèꞋte la bɔ̂ tò ba aa ghà nɔ̂.

1 Tèsàlonikà 5:10

Tà li mpfə ane ànəa ya mbɨ̀Ꞌɨ̀ tà li tà kɨꞋɨ, è maa è wu nê ba bele èbe yu̧ kò ba pfəꞋtè leꞋ, ba tò ba e wu nɔ̂.