Lûm 14:18 - Mundani

¹⁸ Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Lûm 14:18 Referans Kwoze

2 Kɔlìn 8:21

Ba ghɨa anè nkàà nê ba kɨ e ghɨ̀ àghɨa àa mbɔ̀ a mbì Mbɔ̧ɔ̧mà, mè mbɔ̀ a mbì bɔbȩ la mɨ̧̂.

1 Pità 2:20

Bɨ wu anè ngɨ̀ ànəa kàbɔ̀ŋ bɔ shu̧u̧ awɨ̧ bɨ me kìi, ko àbȩ̀ yɨ̧ wu ghàà? Ka bɨ yea ngoꞋ nkàà ànəa ntsɔ̧̀ bɨ ghɨ̀ la, ko Mbɔ̧ɔ̧mà naa lɔ̀ɔ̀lè àwɨ̧ ane ayùà.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

2 Kɔlìn 5:11

Ba ko àghɨa màmbɔ kèbɔɔ Mbɔ̧ɔ̧mà wu yùà la, ale baa ŋwète bòt nê bɔ̀ zì mèntɨ̧ɨ̧ mɔb ane Yesò Klistò. Mbɔ̧ɔ̧mà ko àghɨa bà wu yùà la, e mè me mɨ̀ɨ̀te nê bɨ̀a mbɔŋ e ko bòt bà wu bùà la mɨ̧̂.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Tɔ̀màtià 5:4

Ka nempfə bɔ bɔ̧ bi, kò bɔ̧ bɔ̧ tò e bi la leꞋ, bɔ̧ ngaa e bɨ̀ me tɨŋe bòt bɔb, mbɨ̀Ꞌɨ̀ bòt bɔ̀ɔ nkùŋà a Mbɔ̧ɔ̧mà la e wu me ghɨ̀ la. Bɔ ghɨ èlɨ̀ waa, bɔ ko nê bɔ wua mvəèà èsiꞋ lu bètǎt bɔb nè bètǎt nyaꞋ bɔb è li ndzì a èbem lɔb la. Eyaa wu àghɨa àa mbɔ̀ abua Mbɔ̧ɔ̧mà la.

1 Tɔ̀màtià 2:3

Àyaa aà mbɔ̀ a Mbɔ̧ɔ̧mà wu tà wu Mpemnà wa la,

Kɔ̀losìà 3:24

Bɨ̀ me ghɨ ale ndɨ̀ wu bɨ ko nê, Tè Yesò naa li eŋa wɨ̧ àghɨa tà paŋe abua bòt bi la ane àbȩ̀ a yɨ̧, nkàà nê wu Tè Yesò Klistò ka tà wu ngule wòt bɨ faꞋa abua tò la.

Filìpȩ 4:18

E ngu anè nkɨ eshu awɨ̧ nê, mâ ye èghɨ bu ègème bɨ tsàà Èpaflɔ̀ditùs tà nɨŋ nkɨ̀Ꞌɨ̂ la, e bɔ̂ ndzà̧ tê me bəèꞋtè am. Èghɨ ngaa bu aà mbɨ̀Ꞌɨ̀ àghɨa àa mbɔ̀ bɔ tô̧ a me nəꞋə àghaa ntsɔ̧̀ nkɔꞋɔ nga a ègwet Mbɔ̧ɔ̧mà naa nɨ la.

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

1 Kɔlìn 7:22

Bɨ̀ ko nê Mbɔ̧ɔ̧mà me tɔ wòt tà wua àbùꞋ, ko Yesò Klistò yaa tò tè sàŋ. We Mbɔ̧ɔ̧mà me tɔ atò tà kà wu àbùꞋ la è tsìꞋi àbùꞋ a Yesò.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

Lûm 14:4

À wu wà e me bàŋe wafàꞋ wòt tsa à? Wu Mbɔ̧ɔ̧mà tò ka tàa shu laꞋnê tà ghɨ ntsɔ̧̀ kò kàbɔ̀ŋ leꞋ la. Taa tɨ̧ɨ̧, nkàà nê Tǎt wa Mbɔ̧ɔ̧mà bɔ mètàŋ e ghɨ̌ taa tɨ̧ɨ̧.

Lûm 12:11

Bɨ̀ ka me lȩ̀ȩ̀te ane àfàꞋ àyɨ̧ ane Mbɔ̧ɔ̧mà, bɨ̀ me fàꞋa ntsɔ̧̀ abua tò nè èntɨ̧ɨ̧ wɨ̧ ègème.

Lûm 6:22

Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.

ÀfaꞋa 10:35

Waa waa tàa ngùꞋtà atò mè ngɨ̀à àghɨa tàa nkɨà la, ka tà màà ndzəèà wuê a ka àbâ àlaꞋ leꞋ, ko Mbɔ̧ɔ̧mà naa bɨ̧ɨ̧ne atò.

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Ntu̧ Ntsɔ̧̀ MAK 13:34

ÀfɨꞋa mbɔŋ aa li wu mbɨ̀Ꞌɨ̀ wòt tà me dzəè àpfəè azi ngà a lèghȩ̀ȩ̀nè, ngàbtè àfàꞋ abua bɔfàꞋ bi nê bɔ̀ tsiꞋi me ghɨ̌, mbɔ̂ shu abua wòt wu a ètsələèꞋ la nê, tà me baabe èdziꞋ la.

2 Kɔlìn 5:9

Eyaa wu lə ba màà mbèle a sitsǎꞋ ŋàa, kò ngà tè ntsìꞋi nè tò leꞋ, ko ànəa mbì abua ya wu màngɨa àghɨa àa mbɔ̀ atò la.

Filìpȩ 4:8

Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.