Bib sou entènèt

Lûm 14:1 - Mundani

¹ Bɨ̀ baãaã wòt tà bakà zìꞋì nkwèèle ane mènəè Mbɔ̧ɔ̧mà la ntsɔ̧̀, bɨ̀ ka me buꞋu ètsə bɨ̧ ane àghɨa tà wu ghɨ̌, ko baka ghɨ̀ la leꞋ.

Gade chapit la Kopi

tounen moute ⬆

Lûm 14:1
31 Referans Kwoze

Lûm 15:1

Bàa wu bàa nkwèèla ane mèntɨ̧ɨ̧ ma mu bàa zi ane Yesò la, bàà me tɨŋe bɔnyɨ ba ane èdziꞋi bɔ̀ɔ njùa adù̧ la. Bàà ka me ghɨ̀ wuê àghɨa àa mbɔ̀ àwa la.

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

Lûm 15:7

Ale, bɨ̀ me baãaã bɔnyɨ bɨ̧ ntsɔ̧̀ wuê mbɨ̀Ꞌɨ̀ Yesò Klistò li mbà̧aã àwɨ̧ la, mbɨ̀Ꞌɨ̀ bòt aa me ŋa mèngùꞋte abua Mbɔ̧ɔ̧mà.

Lûm 14:21

Wu ànəa ntsɔ̧̀ e tseke ka kwele nyà̧, kò nu mèlùꞋ, kò àghɨa ko tsa leꞋ, àa ghɨ̌ wanyɨ wè naa kwene la.

2 Jɔ̌n 1:10

È wu ale, wòt kɨ̀Ꞌɨ̂ a lob yê me làꞋa èngǎ̧ ko tsa ka nè è waa Yesò li nyɨ̀Ꞌte la, à ka sèè atò. À ka ndem ntsàꞋte atò.

Lûm 4:19

Tà li mbàte nko nê ye len tê ntsìꞋi mbɨ̀Ꞌɨ̀ mpfəà, nkàà ndɨ ye lu̧u̧ èngùꞋebȩ ènkɨ̀ la, mè mbàte nko nê Sàda wu yen, ka tà kà màkè àghɨa Mbɔ̧ɔ̧mà kàꞋà la.

Lûk 17:2

Tà tsiꞋi te ghɨ̌ è weko ane ebe techɨɨle bàa naa ghɨa kàbɔ̀ŋ, a bɔ̂ŋ nê bɔ sèlè taꞋa èti àmî a tò, màꞋa atò a èbem *èdzî.

Matìù 14:31

Yesò bê tsà àbu azi mbà̧aã tò, mbɔ̂ shu abua tò nê “Àwɔ̀ waa kà neete ezǐ èntɨ̧ɨ̧ wê ane yaã la, à ghɨ̀ na ka màkè ànəa mâ shu la à?”

Matìù 12:20

Tàa ngɨ̀ tà ye keshùŋ ke bəꞋa la, tà kà paa loo. Tà ye èkaꞋà àa ndèmta la, tà kà paa eliime. Taa me ghɨ̀ wu ale, tè bòt e ghɨ̀ bɨ̧ɨ̧ne àghɨa Mbɔ̧ɔ̧mà saꞋ nê aa wu la.

Filìpȩ 2:29

È wu ale, taa kɨꞋɨ, bɨ taꞋa sèe atò nè mèngùꞋte, ndɨ̀ wu bɨ tò ba è wu bòt Yesò Klistò la. Bɨ ye a wòt mbɨ̀Ꞌɨ̀ tòà ale, bɨ ŋa kènuke abua tò,

Jɔ̌n 13:20

Ane nkûŋ, tsiꞋ è shua wɨ̧ nê, wòt sèe wòt mâ tsǎ atò la, tà ko nê, ye sèà am, èwe tà sèe am la ko nê, ye sèe atò wu tà tsàà am la.”

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Ntu̧ Ntsɔ̧̀ MAK 7:19

Aà kà nyi a èntɨ̧ɨ̧ tò, aà nyia wuê a èbem tò ndzəèà ngà àbȩ.” (Yesò làꞋ èngà̧ waa ale nɨŋ nyɨ̀Ꞌte nê betsiꞋa wòt jɨ àghɨ àgème).

ÀfaꞋa 28:2

Bòt àlaꞋ a mbɔŋ e li ntàꞋa baãaã awa ntsɔ̧̀. Ndɨ̀ wu mbɨ̀ŋ li mbùꞋ me lu fo mè me ghɨ̀ la, bɔ tsəꞋtè èwet nɨŋ sèè àwa.

Lûm 11:15

Mbɔ̧ɔ̧mà wu tu̧u̧ bòt Izəèlȩê aa ghɨ̌ bòt èlaꞋ ko tsa ègème aa bɔ àlàŋkè nè tò, ko àfɨꞋa Mbɔ̧ɔ̧mà nɨ awɔb la, à ka wu mbɨꞋɨ̀ bèmpfəà be yu̧u̧me la a?

Lûm 14:2

Èntɨ̧ɨ̧ wòt kǒ tà zi ane Yesò la aà ngɨ̀à tà jɨa àghɨ àgème, ka wòt è we tò nè èntɨ̧ɨ̧ ane Yesò è bela njùa la me jɨ wuê mbɨ̀btsə.

Lûm 14:3

Wòt wu tàa njɨ̀a àghɨ àgème la ka me waa wòt wu kà wua njɨ̀a la, wòt wu tàa njɨ̀a wuê mbɨ̀btsə la ka mè me tsi mpəèəète wòt wu tàa njɨ̀a àghɨ àgème la, nkàà nê Mbɔ̧ɔ̧mà nɨ atò mbɨ̀Ꞌɨ̀ wòt vi.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

Ebùlù 5:14

Wu ndàꞋ bòt bɔ tsə la ka bɔ̀ɔ njɨ̀a èghɨjɨ kekweelè la. Bòt ngaa wu bòt bɔ ghɨ̀ mènəè tè èyì e nyi àtsəa yɔb ndɨ bɔ̀ɔ ko a ntsɔ̧̀ nè kàbɔ̀ŋ la.

Swiv nou:

Lyen patwone

Piblisite

Piblisite