Lûm 13:7 - Mundani

⁷ Ŋa àghɨa à bɔ ndɨ àa ŋa abua yɔb la. Ŋa èkab bètaksì tsa tsa abua bòt à bɔ ndɨ àa ŋa la, mè me kukte bòt à bɔ ndɨ àa kukte awɔb la.

Lûm 13:7 Referans Kwoze

Lûk 20:25

Ale, Yesò shu abua yɔb nê “Bɨ̀ ŋa àghɨa è wu àyea Sisà la abua tò, ŋà àghɨa è wù àyea Mbɔ̧ɔ̧mà la abua Mbɔ̧ɔ̧mà.”

Matìù 17:25

Pità bɨ̧̀ɨ̧̀ne nê, “Oò tàà màꞋà”, mbɔ̂ tà kɨꞋɨ tê tà nyi a lob, Yesò bɨ̀ mbììte atò nê, “Simùn, àa mɨ̀ɨ̀tà na ane ànəê ya à? Wà ba ka bɔ bɔ ndɨ bɔ̀ɔ me màꞋà èkab nè èghɨ ko tsa ŋǎ abua bèfɔ̧̀ sitsǎꞋ la à? Wu bòt àlaꞋ a mbɔŋ kò wuê bègɨ̧̀ à?”

1 Tɔ̀màtià 5:17

Bɨ̀ me nèèta mbà̧aã bɔɔjuŋ bu bɔ̀ɔ fàꞋà àfaꞋa Yesò la ntsɔ̧̀. È me wu èbu bɔ̀ɔ fàꞋà nyaŋ, ndàꞋà mè nyɨ̀Ꞌta èngǎ̧ Mbɔ̧ɔ̧mà la, bɨ baãaã awɔb ntsɔ̧̀ tè ntsè bòt bàgème.

Matìù 22:21

Bɔ bɨ̀ɨ̀lè nê “Àtsəa Sisà.” Ale, Yesò shu abua yɔb nê “Bɨ̀ ŋa àghɨa è wu àyea Sisà la abua tò, ŋà àghɨa è wù àyea Mbɔ̧ɔ̧mà la abua Mbɔ̧ɔ̧mà.”

Efesɔ̀s 6:5

ÈbùꞋ, bɨ̀ me zə bòt bu bɔ bɔ awɨ̧ a sitsǎꞋ ŋàa la nè kèbɔɔ, mèntɨ̧ɨ̧ mɨ̧ mèe me bente. Bɨ̀ me ghɨ̀ ne èntɨ̧ɨ̧ kèfə mbɨ̀Ꞌɨ̀ bɨ wua ngɨa abua Yesò Klistò.

1 Pità 3:7

Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.

1 Tɔ̀màtià 6:1

È me wu bòt bu bɔ wu èbùꞋ la, bɔ bɔ ndɨ bɔ̀ɔ me nèèta ndzəèa bòt bu bɔ bɔ awɔb la, mbɨ̀Ꞌɨ̀ wòt kǒ làꞋà kàbɔ̀ŋ ane èlen Mbɔ̧ɔ̧mà nè mènəè tò mu bàa nyɨ̀Ꞌta la.

Efesɔ̀s 5:33

Ka a wua ndaꞋa abua yɨ̧ mɨ̧̂, nê waa waa ane yɨ̧ bɔ ndɨ tàa me kɔ̀ŋkè vi vi mbɨ̀Ꞌɨ̀ tàa nkɔ̀ŋkà àvi zìambɔŋ la, bèzi mɨ̧̂ è ye nê bɔɔ ndzəa bèlu̧ bɔb.

Lûk 23:2

Mbɨ̀Ꞌɨ̀ bɔ kɨꞋɨ tê ndzə a mbì tò la, bɔ bùꞋ me zì mènəè àtsəa Yesò shua nê, “Ba baãaã a mbê waa ndùta bòt ba shua nê, bɔ̀ ka ŋà èkab taksì abua Sisà, mè shua nê ye wu wòt wu Mbɔ̧ɔ̧mà yɔꞋ ntsà taa wu Fɔ̧̀ la.”

Ntu̧ Ntsɔ̧̀ MAK 12:17

Ale, Yesò shu abua yɔb nê “Bɨ̀ ŋa àghɨa è wu àyea Sisà la abua tò, ŋà àghɨa è wù àyea Mbɔ̧ɔ̧mà la abua Mbɔ̧ɔ̧mà.” Ànəa Yesò a bê ntsè àwɔb.

1 Tɔ̀màtià 5:13

Lə kǒ kà à wu shɨ tèlen tɔb wu nê, bɔɔ tsiꞋa nkua èlɔŋ, mè me nyi a lob a lob ndzəèà. Ànəa ko a mê mbɨ ntsè la wu nê, bɔɔ tseke tê mbùꞋ me ghɨ̀ mènàŋ, ndzìà mètsəê mɔb ane mènəè kà wu mɔb, mèà ndàꞋà mènəè bɔɔ bɔ̀ ka wu làꞋà la.

Lûk 20:22

Shu awa, tè mbɨ̧ ta tê bɨ̧ɨ̧nè nê bà me ŋa èkab taksì abua Sisà kò wu nê bà ka ŋa à?”

Lûm 12:10

Bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème, mè ngu bòt mbì a mànkukta bɔnyɨ bɨ̧.

Lûm 13:6

Eyaa wu lə yu bɨ̀a ŋa èkab taksì la mɨ̧̂, nkàà nê bòt bu mbà̧aã àlaꞋ la wu bɔfàꞋ Mbɔ̧ɔ̧mà mbɨ̀Ꞌɨ̀ bɔ̀ɔ ngɨ̀à àfaꞋa mbɔŋ la.