Lûm 13:13 - Mundani

¹³ Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 13:13 Referans Kwoze

Gàlashìà 5:21

MàngoꞋna bòt, màmbuŋa wòt, màmbea mèlùꞋ, nè màngɨa àghɨ àgème èntɨ̧ɨ̧ wê àa nkɨà la, fɔ̀ɔ̀lè ne èghɨ ko tsa. TsiꞋ e mèe səèŋkè ètû̧ bɨ̧ mbɨ̀Ꞌɨ̀ e ndi ndzii ghɨ̀ la, nê bòt bu bɔ̀ɔ ngɨ̀à èwuu èghɨ mbɔŋ la è ka li nyi a kèfɔ̧̀ Mbɔ̧ɔ̧mà a.

Efesɔ̀s 5:18

Bɨ̀ ka tsi mbè mèlùꞋ, è wù àghɨa àa ngɨ̀à bɨ ghɨ̀à mènəè mbɨ̀Ꞌɨ̀ èkèghɨ̧̀ la, ka bɨ̀ tsiꞋ Fo Mbɔ̧ɔ̧mà lu̧u̧ a mèntɨ̧ɨ̧ mɨ̧.

1 Tèsàlonikà 4:12

Bɨ me ghɨ̀ anè, ko bòt kà zi mèntɨ̧ɨ̧ mɔb ane Yesò aa me kukte awɨ̧, bɨ̀ ka mê ngu me lȩ̂ wòt kǒ ane àghɨa bɨ̀a nkɨ̀ŋkà la.

1 Jɔ̌n 2:6

wòt ègème tà laꞋnê ye tsiꞋi àghɨ yeamɔꞋ bɔ̂ Mbɔ̧ɔ̧mà la, è bɔ ndɨ tàa me tseke wuê mbɨ̀Ꞌɨ̀ Yesò Klistò li ngua ntsèka la.

Efesɔ̀s 5:15

Ale, bɨ̀ me ko awɨ̧ ane ndɨ bɨ̀a ngɨ̀à mènəè mɨ̧ la. Bɨ̀ ka me ghɨ̀ mènəè mɨ̧ mbɨ̀Ꞌɨ̀ bòt kà bɔ èyì, bɨ̀ me ghɨ̀ mbɨ̀Ꞌɨ̀ bòt bɔ bɔ èyì la.

1 Tèsàlonikà 2:12

Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

Lûk 21:34

Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la

1 Tèsàlonikà 5:17

mè ntsàꞋta a Mbɔ̧ɔ̧mà àfɨ̀Ꞌ àgème.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Jûd 1:23

È me wu e bu ntsìꞋa nga enyi a èwet la, bɨ səè àwɔb ntsì mbɨ̀Ꞌɨ̀ bɔɔ peme. Èbeko nè bòt aa və bɨ bɔ ndɨ bɨ̀a me tɨŋe awɔb la, ka bɨ me ghɨ̌, bɨ me baabe awɨ̧ mbɨ̀Ꞌɨ̀ ka mèntsèke kàbɔ̀ŋ mɔb zì mèkɔb ane yɨ̧.

2 Jɔ̌n 1:4

Mâ taꞋa wùꞋtè am ndɨ̀ wu mâ ye nê bɔ̧ bè ko aà nkùŋà mènəè nkûŋ wuê mbɨ̀Ꞌɨ̀ Tǎt wa li shuê nê bà me ghɨ̀ la.

Jimsì 4:5

Kò bɨ mɨɨtè nê Àkata Mbɔ̧ɔ̧mà a làꞋà mèfà̧ à? A laꞋ nê “Fo yu Mbɔ̧ɔ̧mà zi a mèntɨ̧ɨ̧ ma la nàà kà bê nkɨ laꞋ nê àghɨa ko tsa à nyi a mèntɨ̧ɨ̧ ma.”

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Gàlashìà 5:19

Èghɨ mbɨ̧̀ ènyit nàa nkɨà la aà kà lò̧ò̧tè: MàmpaꞋta wòt kà bɨ tò eyɔꞋ, mèmɨ̀ɨ̀te kàbɔ̀ŋ, màngɨa kàbɔ̀ŋ,

ÀfaꞋa 2:15

Bòt baa è bakà be mèlùꞋ mbɨ̀Ꞌɨ̀ bɨ kwàꞋtà la. Àfɨ̀Ꞌ yaa bele wu nyèm tebəèꞋa a ntɔtetsɔ̌Ꞌ.

Lûk 16:19

Yesò ghɨ̀ ale, mè shu abua yɔb nê, “Wòt èkab, kǒ lè lɔ̂Ꞌ nguê, ntaꞋa wua nkwà̧aã ndìte èkab ete membaŋ nè te kèfə, mbɔ̂ me tseke a èbem èghɨ ntsɔ̧̀ àli àgème,

Lûk 1:6

Bòt baa babe la bɔ li ntɨ̧̀ɨ̧ ndɨŋndɨ̀ŋ a mbì Mbɔ̧ɔ̧mà mè me paŋe mbɨ̧te tò nè nkɨ̀atsə tò tègème.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.