Lûm 12:12 - Mundani

¹² Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

Lûm 12:12 Referans Kwoze

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Ebùlù 10:36

Bɨ bɔ ndɨ bɨ̀a kuule èntɨ̧ɨ̧ wɨ̧ mbɨ̀Ꞌɨ̀ ghɨ̀ àghɨa Mbɔ̧ɔ̧mà nàa nkɨà la, ebɔ àbȩ̀ yu tà kàꞋà la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

Jimsì 5:7

Bɔnyɨ bɔ̧, bɨ̀ kuule mèntɨ̧ɨ̧ mɨ̧ tè Yesò li nkɨ̀Ꞌɨ̂. Bɨ̀ ye ndɨ wòt tàa faꞋa a mbȩ la nàa ngɨ̀ tà kùùle èntɨ̧ɨ̧ vi nchɨ̀Ꞌ tè èghɨjɨ tò e ghɨ̀ nkwèèlê nkùꞋ a màfuꞋa la. Tàa ngɨ̀ tà chɨ̀Ꞌ tè mbɨ̀ŋ mbì lu, èye kwèn mè ndi ndu.

Ebùlù 6:15

Ale, Abàlàghâm kùùle èntɨ̧ɨ̧ nchɨ̀Ꞌ tè ngɨ̀ mbɔ̀ àghɨa Mbɔ̧ɔ̧mà li nkàꞋ atò la.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Filìpȩ 4:4

Bɨ̀a wu bɨ̀ wu bòt Tè Yesò la, bɨ̀ me wùꞋtè àwɨ̧ àfɨ̀Ꞌ àgème. TsiꞋ è mèe shu awɨ̧ nê, bɨ̀ wùꞋtè àwɨ̧.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Kɔ̀losìà 4:2

TsiꞋ è shu abua yɨ̧ bàgème àfɨ̀Ꞌ yaa nê bɨ̀ me tsàꞋte Mbɔ̧ɔ̧mà àfɨ̀Ꞌ àgème. Bɨ̀ ghɨ̀ bɨ̀ me tsàꞋte, bɨ me zə wuê ànəa bɨ shua abua tò la, mè me ŋa mènkɔ̀ŋke abua tò.

2 Tèsàlonikà 3:5

Baa tsàꞋtà nê, Yesò Klistò ghɨa bɨ̀ kuule mèntɨ̧ɨ̧ mɨ̧ me kweele ane mènəè tò, mè nko ndɨ Mbɔ̧ɔ̧mà nàa ndâ nkɔ̀ŋkà àwɨ̧ la.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

ÀfaꞋa 1:14

Bɔ li ntaꞋa wua mbu̧u̧ta adzìꞋ yeamɔꞋ ntsàꞋta Mbɔ̧ɔ̧mà bɔ̀ɔgème fɔ̀ɔ̀le ne bèzi, nè Màlià nyɨ̌ Yesò, ndɔ̀Ꞌ nè bɔnyɨ tò.

1 Tɔ̀màtià 6:11

Ka àwɔ̀, wòt Mbɔ̧ɔ̧mà, à ka ndzì àbu ayê ane àghɨ ako ane èghɨ ba mâ tɨ̧ɨ̧ tê ndɔ̀Ꞌ la. NyɔꞋta me ghɨ̀ àghɨa Mbɔ̧ɔ̧mà nàa nkɨà la mè me zə wuê atò, mè ndzìà èntɨ̧ɨ̧ wê wuê ane tò, mè nèètà nkɔ̀ŋkà bɔbȩ ko. Me kuule èntɨ̧ɨ̧ wê mè njùa ane mènəè mê.

Ebùlù 10:32

Bɨ̀ ku̧u̧te èli mbì bu bɨ li mbɨ̀ nko nê èngǎ̧ Mbɔ̧ɔ̧mà wu nkûŋ la. Bɨ li ntàꞋa ye ngoꞋ ka bɨ̀ ka tsi mèntɨ̧ɨ̧ mɨ̧ ane Mbɔ̧ɔ̧mà.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Kɔ̀losìà 1:11

Maà ntsàꞋtà nê Mbɔ̧ɔ̧mà nɨ mètàŋ mi mu è ghe la ngɨ̀ mèntɨ̧ɨ̧ mɨ̧ neeta nkwèèlê, mbɨ̀Ꞌɨ̀ bɨa me kuule mèntɨ̧ɨ̧ mɨ̧ nkìà mènəè ègème nè mèngùꞋte,

Ebùlù 5:7

È li ngu àfɨꞋa Yesò wu a sitsǎꞋ ŋàa la, tà me ŋȩ nè mèsi ntsàꞋta Mbɔ̧ɔ̧mà nè èntɨ̧ɨ̧ vi ègème shua mènəè abua tò wu betsiꞋa tà ko ngɨ̀ tè Yesò wu tseke kà pfə la. Mbɔ̧ɔ̧mà li njùte ànəa tà dɨ̀à shua la ndɨ̀ wu Yesò li ngua mbɔ̀ɔ̀le avi ndzəa tò la.

Ètsə 13:10

Wòt a li ngu nê bɔɔ baãaã atò la, bɔɔ bê baãaã atò. Wòt a li ngu nê bɔɔ bùŋe atò ane nyi la, bɔɔ bê bùŋe atò ane nyi. Ale, a nyɨꞋtè nê, bòt Mbɔ̧ɔ̧mà è kuule mèntɨ̧ɨ̧ mɔb, mè me kùŋe atò nè èntɨ̧ɨ̧ wɔb wemɔꞋ.

2 Pità 1:6

Bɨ̀ mě me nèèta nkùùla ènyit yɨ̧, nèètà nkùùla mèntɨ̧ɨ̧ mɨ̧, mè ntsèka mbɨ̀Ꞌɨ̀ Mbɔ̧ɔ̧mà nàa nkɨà la,

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

Lûm 15:4

Àghɨ àgème bɔ li shɨ a èbem Àkata Mbɔ̧ɔ̧mà àfɨꞋa mbì la a li ngua mànyɨꞋte awa, è me ghɨ̌ baa me kuule mèntɨ̧ɨ̧ ma, mè ndzìà mèntɨ̧ɨ̧ ma, mbɨ̀Ꞌɨ̀ baa me chɨ̀Ꞌɨ èghɨ bu ègème Mbɔ̧ɔ̧mà kàꞋà àwa la.

Lûk 21:19

Bɨ kuulà mèntɨ̧ɨ̧ mɨ̧ tè ngà ndzəè a mèndìa, ko bɨa li bɔ mèmpème.”

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Lûm 8:25

Ka bàa me chɨ̀Ꞌɨ̀ àghɨa bàà baka ye la, ko baa bɔɔle awa ka me chɨ̀Ꞌɨ.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

2 Tɔ̀màtià 3:10

È me wu awê, ko à ko àghɨa màa nyɨ̀Ꞌta la ntsɔ̧̀, nko ndɨ màa ntsèka la, mè nko lə àfàꞋ yu e fàꞋà la. À ko ndɨ màa ndzìà èntɨ̧ɨ̧ am ane Yesò la, nko ndɨ màa mbà̧aã èntɨ̧ɨ̧ am la, nko ndɨ màa nkɔ̀ŋkà bòt la, mè nko ndɨ màa nkùùla èntɨ̧ɨ̧ la.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

Filìpȩ 3:1

Bɔnyɨ bɔ̧, ànəa e nkɨ lìa eshu awɨ̧ la wu nê, bɨ̀ wùꞋtè àwɨ̧ ndɨ̀ wu bɨ Yesò Klistò ba è tsiꞋi àghɨ yeamɔꞋ la. E màà me shɨ wuê mènəè mu e ndi shɨŋ abua yɨ̧ la, à ka lem sàà am. E mè shɨa mùà, ko nàà ngà ekele mbɨ̀Ꞌɨ̀ ànəa kàbɔ̀ŋ a ye awɨ̧.

2 Kɔlìn 12:8

E ndi shù̧ù̧te a Tè Yesò ngò̧ tetat nê tà tsi àghɨ yaa.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

ÀfaꞋa 12:5

Mbɨ̀Ꞌɨ̀ Pità wu a tèfȩ la, bòt chɔsì e me ntsàꞋta Mbɔ̧ɔ̧mà àtsə atò kwàꞋ ànyaꞋne.

ÀfaꞋa 6:4

Bɨ ghɨ̀ ale, ko bàambɔŋ aà nga tsiꞋi baãaã wuê àfaꞋa màntsaꞋta a Mbɔ̧ɔ̧mà nè màndaꞋa èngǎ̧ tò.”

ÀfaꞋa 2:42

AfɨꞋa bɔ bɨ̧̀ɨ̧̀ne èngǎ̧ Yesò la, bɔ zì ètsə bɔb mbɨ̀Ꞌɨ̀ eko èghɨ bɔntu̧ Yesò bu e nyɨꞋtà la. Bɔ ghɨ̀ ale, ntsìꞋa ngɨ̀à mènəè mɔb ègème ane ètsəê wemɔꞋ, njɨ̀a èghɨjɨ bɔb mè ntsàꞋtè a Mbɔ̧ɔ̧mà adzìꞋ yeamɔꞋ.

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Matìù 5:12

Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.