Lûm 11:6 - Mundani

⁶ È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.

Lûm 11:6 Referans Kwoze

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

Gàlashìà 2:21

E mbakà tu̧u̧ ntsɔ̧̀ wu Mbɔ̧ɔ̧mà nyɨꞋte am nkàà a Yesò Klistò la. Wòt ghɨ̀ ale, ngua ntɨ̧a ndɨŋndɨ̀ŋ a mbì Mbɔ̧ɔ̧mà nkàà na tàa ngɨ̀à mbɨ̀Ꞌɨ̀ mbɨ̧tsə te kɨa la, ko a nyɨꞋtè nê Yesò Klistò li mpfə kwàꞋ àku.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

Gàlashìà 5:4

Bɨ̀a wu bɨ̀a nyɔ̀Ꞌtà nkɨ etɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na bɨ̀a ngɨ̀à mbɨ̀Ꞌɨ̀ mbɨ̧tsə te kɨa la, bɨ tsì àwɨ̧ ane Yesò Klistò. Bɨ tu̧ àghɨa Mbɔ̧ɔ̧mà ŋa abua yɨ̧ àku la.

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

Lûk 6:13

ÈtsəꞋ è tsi ale, tà tɔ bɔkatè bi, ndàà bòt ntsɔ̀b babe me tɔ awɔb ane bɔntu̧ bi.