Lûm 11:14 - Mundani

¹⁴ mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 11:14 Referans Kwoze

1 Kɔlìn 7:16

Àwɔ̀ àvi, à bakà ko laꞋ nê betsiꞋa à ghɨ̀ lu̧ wê zì èntɨ̧ɨ̧ vi ane Mbɔ̧ɔ̧mà mpem? Àwɔ̀ mbâ̧ à kà mê nko laꞋ nê betsiꞋa à ghɨ̀ vi wè zì èntɨ̧ɨ̧ vi ane Mbɔ̧ɔ̧mà mpem?

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

1 Tɔ̀màtià 2:4

tà mè me kɔ̀ŋkè nê, bòt bàgème è pem nko èngǎ̧ tò wu è wû nkûŋ la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

Lûm 11:11

Ale, mâ biite nê bɔ sèmnè ale mbɨ̀Ꞌɨ̀ kwene te li tseke ka tsi ndɔ̀Ꞌ? A ntsě a èlɨ mbɔŋ. Bɔ li ngɨ̀a kàbɔ̀ŋ ale, è ghaꞋa èlu̧ abua bòt kà wu Bèjuê bɔ̀ɔ bɔ mèmpème, mbɨ̀Ꞌɨ̀ e ghɨ̌ bòt Izəèlȩê aa me ghòꞋnè àwɔb.

Jimsì 5:20

bɨ ko nê, wòt tɨŋe wòt ntsia tò a èbem mènəè kàbɔ̀ŋ, tà ko nê ye ghɨ̂ ŋut peme èvə. Àyea mbɔŋ a mè ngɨ̀ Mbɔ̧ɔ̧mà waꞋa mènəè kàbɔ̀ŋ wòt nyaŋ.

Lûm 9:3

Ndɔ̀ Mbɔ̧ɔ̧mà ghɨ ale nɔ̀ŋke a ègwet laã, tè ntsì am ane Yesò Klistò mbɨ̀Ꞌɨ̀ e ghɨ̌ bɔnyɨ bɔ̧ bu, è wu bòt àndà̧ bɔ̧ la aa peme, ko a bakà bɨ am.

Fȩlemùn 1:12

E ngua anè mvəèà tò wu tà tsiꞋi kwàꞋ èntɨ̧ɨ̧ am la abua yê.

Lûm 10:19

TsiꞋ è mě mbììte nê: Te bòt Izəèlȩê e li bɔ̀ ka koê? Musì li mbɨ̀ mbɨ̀ɨ̀lè èngà̧ waa nê, “Maa ghɨ̌ bɨa me ghɔ̧̀ɔ̧̀ne a mèntɨ̧ɨ̧ mɨ̧ nkàà bòt kà bê nkùꞋ èbe bɔ̀ɔ wu àlaꞋ la, Mè ngu ghɨ̌ bɨa me tsoo nkàà bòt bɨa mɨ̀ɨ̀tà nê wu èkèghɨ̧̀ la.”

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.