Lûm 11:13 - Mundani

¹³ E ntsiꞋa ndàꞋa abua yɨ̧ bɨ̀a bòt kà wu bòt Izəèlȩê àfɨ̀Ꞌ yaa. Maa me ghàꞋtè am ane àfàꞋa am mbɨ̀Ꞌɨ̀ è ngu wantu̧ Yesò abua bòt kà wu bòt Izəèlȩê la,

Lûm 11:13 Referans Kwoze

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Gàlashìà 1:16

nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

ÀfaꞋa 13:2

Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”