Lûm 10:17 - Mundani

¹⁷ Ale, wòt nàa ngɨ̀ tà zə èngà̧, ka tà zì èntɨ̧ɨ̧ vi ane Mbɔ̧ɔ̧mà, èngǎ̧ mbɔŋ wòt zə la, wu èngǎ̧ bɔ̀ɔ ntsɔ̀tà ane ànəa Yesò Klistò la.

Lûm 10:17 Referans Kwoze

Gàlashìà 3:2

TsiꞋ e mbììte awɨ̧ ànəê yeamɔꞋ. Bɨ li me bɔ Fo Mbɔ̧ɔ̧mà ale ngu ndɨ bɨ̀a ngɨ̀à àghɨa mbɨ̧tsə te shu la kò wuê ndɨ̀ wu bɨ li ndzì mèntɨ̧ɨ̧ mɨ̧ ane Yesò la à?

Gàlashìà 3:5

Tè bɨ ye nê Mbɔ̧ɔ̧mà li me ŋa Fo zi abua yɨ̧, e mèe ghɨ̀ tèwuute ènəê kà ye fɨ̀Ꞌ a kètsìà wɨ̧ ale, è wu ndɨ bɨ̀a ngɨ̀à àghɨa mbɨ̧tsə te kɨa la, kò wu ndɨ bɨ li ndzəâ èngǎ̧ Mbɔ̧ɔ̧mà ane ànəa Yesò mbɨ̧̀ɨ̧̀ne la à?

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Lûk 11:28

Yesò bɨ̀ɨ̀lè èngǎ̧ tò nê, “ÀwɔꞋ, ntsɔ̧̀ wu wuê bòt bu bɔ zə èngǎ̧ Mbɔ̧ɔ̧mà mè ngɨ̀ àghɨa èa shuà la.”

Ntu̧ Ntsɔ̧̀ MAK 4:24

Tà mè shu abua yɔb nê, “Bɨ̀ me ko awɨ̧ ndɨ bɨ̀a njùta èngǎ̧ Mbɔ̧ɔ̧mà la. Ndɨ bɨ̀a ngɨ̀à nè wùà la, wu ndɨ Mbɔ̧ɔ̧mà nàa ghɨ̀ ne nɨ̧̀ te kwèꞋnè la.

Lûk 8:21

Yesò shu abua banɔ̧̀ bu bàgème nê, “Nyɨ̌ am bɔ̂ bɔnyɨ bɔ̧ wu bòt bu bɔ̀ɔ ndzəèa èngǎ̧ Mbɔ̧ɔ̧mà ngɨ̀à àghɨa e shua la.”

Lûm 1:16

Maà kà bɔ àtsəa kɔꞋɔ a ane Ntu̧ Ntsɔ̧̀ Mbɔ̧ɔ̧mà, nkàà nê, wu mètàŋ Mbɔ̧ɔ̧mà màa nɨa ntsɔ̀tà Ntu̧ Ntsɔ̧̀ yu nàa ngɨ̀à waa waa tà zi èntɨ̧ɨ̧ vi ane Yesò la peme la, ebùꞋu ane Bèjuê bu èngǎ̧ mbɔŋ e li mbɨ̀ abua yɔb la, eghǎ wu ane bòt kà wu Bèjuê.

Lûm 10:14

Bòt àa tɔ atò nǎ kà zì mèntɨ̧ɨ̧ mɔb ane tò à? Bɔ mè ngu zì mèntɨ̧ɨ̧ mɔb ane tò na kà zə ànəa tò à? Bɔ̀ɔ zə na kà ye wòt tà tsɔ̀te èngǎ̧ Mbɔ̧ɔ̧mà abua yɔb la à?

1 Pità 1:23

Èngǎ̧ Mbɔ̧ɔ̧mà wu àa ŋǎ mèmpème, mè ngu ane àlia nè àlia la, e ghɨ̂ bɔ bi awɨ̧ a membǐ fi. Bɨa nè ntsìꞋi bɔ̧ Mbɔ̧ɔ̧mà wu tà wu ane àlia nè àlia kà wu epfə la.

Lûk 8:11

“Eyaa wu lə èngà̧teme wàa: Èsaãaãme wu, wu èngǎ̧ Mbɔ̧ɔ̧mà.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

Ebùlù 4:2

Ba li ndzəâ Ntu̧ Ntsɔ̧̀ Mbɔ̧ɔ̧mà wuê mbɨ̀Ꞌɨ̀ bɔ li ndzə la, ka ndzə ale èngǎ̧ mbɔŋ è ka ghɨ a ntsɔ̧̀ ko ane yɔb nkàà nê, bɔ li bɔ̀ ka bɨ̧ɨ̧nè a mèntɨ̧ɨ̧ mɔb nê Mbɔ̧ɔ̧mà naa ghɨ̀ mbɨꞋɨ̀ tà shu la.

Jɔ̌n 1:37

Mbɨ̀Ꞌɨ̀ bɔkatè tò bu babe e zə ànəa mbɔŋ la, bɔ bê sa atò nkuŋa Yesò.