Bib sou entènèt

Lûm 10:14 - Mundani

¹⁴ Bòt àa tɔ atò nǎ kà zì mèntɨ̧ɨ̧ mɔb ane tò à? Bɔ mè ngu zì mèntɨ̧ɨ̧ mɔb ane tò na kà zə ànəa tò à? Bɔ̀ɔ zə na kà ye wòt tà tsɔ̀te èngǎ̧ Mbɔ̧ɔ̧mà abua yɔb la à?

Gade chapit la Kopi

tounen moute ⬆

Lûm 10:14
22 Referans Kwoze

Tȩtɔ̀s 1:3

Àfɨ̀Ꞌ a li nkùꞋ, Mbɔ̧ɔ̧mà ghɨ̀ bɔ tsɔ̀tè èngǎ̧ tò, ngɨ̀ bòt e ko àghɨ yu tà li nkàꞋ la. Wu Mbɔ̧ɔ̧mà, Mpemnà wa tà li ndzì ntu̧ yaa a tèkitebu taã nê è me tsɔ̀tè la.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

ÀfaꞋa 8:31

Wɔ̀jûŋ wu bɨ̀ɨ̀lè nê, “Wòt bakà ghaꞋte e shu am e ngɨ̀ na ka nko à?” Tà làꞋ ale mbɔ̂ shu abua Filìb nê tà kɔꞋ ntsèke a èbem àkàt yu bɔ̂ nì.

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.

Efesɔ̀s 4:21

Mâ ko nê bɔ li shu awɨ̧ ànəa tò, mè nko nê ndɨ̀ wu bɨ̀ wu bòt tò la bɔ li nyɨ̀Ꞌte awɨ̧ nkûŋ yu adù̧ Yesò la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

ÀfaꞋa 19:2

mbììte awɔb nê, “Bɨ li ndzì mèntɨ̧ɨ̧ mɨ̧ ane Yesò ale, Fo Kèfə kɨꞋɨ adù̧ yɨ̧?” Bɔ nê, “Ba bakà lem ndzə nê àghɨ ako aa və è wû Fo Kèfə la.”

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

Jɔ̌n 9:36

Tà bɨ̀ɨ̀lè nê “Wu wa tê, shu am mbɨ̀Ꞌɨ̀ maa zǐ èntɨ̧ɨ̧ am ane tò.”

Efesɔ̀s 2:17

Tà li nkɨ̀Ꞌɨ̂ ndàꞋà Ntu̧ Ntsɔ̧̀ yu nàa ngɨ̀à bòt e wu ane àlàŋkè la, abua yɨ̧ bɨ̀a bòt kà wu Bèjuê bu bɨ li ngu a endɨ̌ ane Mbɔ̧ɔ̧mà la. Tà li ndàꞋ fɔ̀ɔ̀le abua Bèjuê bu bɔ li ngu nè Mbɔ̧ɔ̧mà la.

Matìù 20:7

“Bɔ bɨ̀ɨ̀lè nê, ‘Wu ndɨ wòt tà kɨa waa eŋa awa àfàꞋ la è ntsě la. Tà tsiꞋi shu abua yɔb nê: “ ‘Bɨ̀ ghà yɨ̧ a mbȩ me faꞋa mɨ̧̂.’

Swiv nou:

Lyen patwone

Piblisite

Piblisite