Lûm 1:3 - Mundani

³ Ntu̧ Ntsɔ̧̀ Mbɔ̧ɔ̧mà wua ndàꞋà ànəa Waã tò wu bɔ le mbi mbɨ̀Ꞌɨ̀ wɔ̀bȩ̂ a èbem àndǎ̧ a fɔ̧̀ Dàbid la.

Lûm 1:3 Referans Kwoze

Matìù 1:1

Eyaa wu bètǎt nyaꞋ Yesò Klistò wu tà lè wu wòt ləlob Fɔ̧̀ Dàbid wu tà li ngu wòt ləlob Abàlàghâm la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Lûk 1:35

Wantu̧ wu bɨ̀ɨ̀lè nê, “Fo Kèfə naa wu ne nè, aa kɔɔle waã ane mètàŋ Mbɔ̧ɔ̧mà, ebi. Bɔɔ li tɔ waã wu ane waã tà dzəè abua Mbɔ̧ɔ̧mà la, e mě tɔ atò ane Waã Mbɔ̧ɔ̧mà.

1 Tèsàlonikà 1:10

Bɔ ko mɨ̧̂ nê, bɨà nchɨ̀Ꞌà Waã tò taa chu a ègwet. Waã tò waa wu Yesò Klistò wu Mbɔ̧ɔ̧mà lè yu̧u̧me atò la, è mè ngu tòà tà tsì àwa a èbem ntsǒ Mbɔ̧ɔ̧mà yu tàa li nɨ esaꞋa bòt kàbɔ̀ŋ la.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

Jɔ̌n 20:28

Tɔmasì tɔ atò nê, “Lefɨ̀Ꞌ am, Mbɔ̧ɔ̧mà am!”

Jɔ̌n 10:30

Ba Tǎt am e wu àghɨ yeamɔꞋ.”

Matìù 1:16

Jàkɔ̂b wu tǎt Jòsêb lu̧ Màlià wu tà lè bia Yesò wu bɔ̀ le wua ntɔ̌ tò nê Klistò la.

2 Tɔ̀màtià 2:8

Me ku̧u̧te a Yesò Klistò, tà li mpfə mè njù̧ù̧mê la. Tà lè wu wòt àndǎ̧ Fɔ̧̀ Dàbid, mbɨ̀Ꞌɨ̀ Ntu̧ Ntsɔ̧̀ yàa e ntsɔ̀tà la nàa nyɨ̀Ꞌta la.

1 Kɔlìn 1:9

Mbɔ̧ɔ̧mà naa lâ ghɨ̀ àyaa ane yɨ̧ nkàà nê tàà ngɨ̀à àghɨa tà shu la àfɨ̀Ꞌ àgème. Wu tòà tà tɔ àwɨ̧ nê bɨ̀ kɨꞋɨ ngu a èbem mèntsèke ntsɔ̧̀ nè waã vi Tǎt wa Yesò Klistò Lefɨ̀Ꞌ wa la.

ÀfaꞋa 2:30

Tà li ngu ndàꞋàtɔŋ Mbɔ̧ɔ̧mà mè nko àghɨa Mbɔ̧ɔ̧mà wu e kâꞋ nê yea ghɨ̌ abua zi la. Mbɔ̧ɔ̧mà li ndzì nkà̧ nê yea li yɔꞋɔ wòt àndǎ̧ Dàbid kǒ ane fɔ̧̀, taa wu mbɨ̀Ꞌɨ̀ Dàbid li nguê la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Jɔ̌n 10:36

BetsiꞋa bɨ shu nê wòt wu Mbɔ̧ɔ̧mà lȩ̀ ntsaa a sitsǎꞋ ŋaà la nàà fɨ̀Ꞌnà àvi ane Mbɔ̧ɔ̧mà na mâ laꞋnê e ngu Waã tò la à?

Jɔ̌n 5:25

Ane nkûŋ, tsiꞋ è shua wɨ̧ nê, àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa bèmpfəà àa zə àtɔŋ Waã Mbɔ̧ɔ̧mà la, mbɔ̂ bòt bɔ zə la, aa peme.

Lûk 1:69

Tà tsàà àwa wòt nɨ̧ tàa ŋa awa ngule mèmpème la. Ŋut dzəè a àndǎ̧ wɔ̀fàꞋ tò Fɔ̧̀ Dàbid,

Matìù 27:43

Tà li ndzì èntɨ̧ɨ̧ vi ane Mbɔ̧ɔ̧mà mè nê ye wu waã tò. Bà ye nê Mbɔ̧ɔ̧mà naa kɨꞋɨ etɨŋe atò àfɨ̀Ꞌ yaa leꞋ.”

Matìù 26:63

Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”

Matìù 15:22

ÀfɨꞋa mbɔŋ, vi Kenànȩê kǒ àlaꞋ və kɨꞋɨ̀ ŋȩ nê “Tê, Waã fɔ̧̀ Dàbid, ku tèsȩ taã. Fo kàbɔ̀ŋ nyi ane waã am waàvi tè tà wu a si ngò̧ò̧nà kwàꞋ ànyaꞋne.”

Matìù 12:23

Ale, a taꞋa tsě bòt bu bàgème, tè bɔ tsiꞋa shua nê, “Tê mbê waa chɨɨme ntsě Waã Dàbid?”

Matìù 9:27

Yesò lɔ̀Ꞌɔ abot tà me ghà nembì, bòt àghɨ àleme ko babe e me kùŋè atò ŋȩ̂ shua nê, “Waã fɔ̧̀ Dàbid, ku tèsȩ ta.”

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

Matìù 1:6

Jesì wu tǎt fɔ̧̀ Dàbid. Dàbid lè wu tǎt Sàlemun wu nyɨ̌ tò lè lɔ̂Ꞌ ngu vi Yulìà la.

Ètsə 2:18

“Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Tȩ̀tilà la nê: ‘Eyaa mèngǎ̧ Waã Mbɔ̧ɔ̧mà wu àghɨ atò àa mbèꞋa mbɨ̀Ꞌɨ̀ èwet nkòòla la, èka tò e mè me beꞋe mbɨ̀Ꞌɨ̀ àtɨ̧ɨ̧na bɔ to̧a èwet la.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

1 Jɔ̌n 5:5

Wòt betsiꞋa tà tsè ngɔ̀ŋ yaa la wu ndàꞋà wòt tà bɨ̧ɨ̧nè nê Yesò wu Waã Mbɔ̧ɔ̧mà la.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

1 Jɔ̌n 1:3

Ba wua mè ndàꞋà ànəa ba ye mè ndzə la, mbɨ̀Ꞌɨ̀ bɨa fɔta wa ba nɨ̧̀ ba nè Tǎt wa Mbɔ̧ɔ̧mà bɔ̂ Waã vi Yesò Klistò baa tsiꞋi àghɨ yeamɔꞋ.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

ÀfaꞋa 8:36

Mbɨ̀Ꞌɨ̀ bɔ̀ɔ ngȩ̀ȩ̀nà aa alu̧ və nchua ngà la, bɔ ye àtɨ̀ŋ a mèleb adzìꞋ ako, wɔ̀jûŋ wu shu abua tò nê, “Ye mèleb, e ghǎ àa kele am nê ko mbɨ̀Ꞌɨ̀ bɔ zì am a èdzî à?”

ÀfaꞋa 3:13

Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

Jɔ̌n 7:42

Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa wu wòt àndǎ̧ Fɔ̧̀ Dàbid, mbɔ̂ ngua nga edzəâ a Betèlèghêm àdziꞋa Fɔ̧̀ Dàbid li ndzəè la.”

Jɔ̌n 1:34

Mâ ye, mè me kɨ e shu awɨ̧ nê eyaa wu Waã Mbɔ̧ɔ̧mà.”

Lûm 4:1

Bàà wu ane laꞋ nê ghàà? Nê Abàlàghâm wu tà wû tǎt nyaꞋ bòt ba la li ndze ànəê yaa zìambɔŋ naa?

Lûm 9:3

Ndɔ̀ Mbɔ̧ɔ̧mà ghɨ ale nɔ̀ŋke a ègwet laã, tè ntsì am ane Yesò Klistò mbɨ̀Ꞌɨ̀ e ghɨ̌ bɔnyɨ bɔ̧ bu, è wu bòt àndà̧ bɔ̧ la aa peme, ko a bakà bɨ am.

1 Kɔlìn 10:18

Bɨ̀ lȩ̀ Bèjuê ndze. Bòt bu bɔ̀ɔ njɨ̀a èghɨ bɔ ŋa abua Mbɔ̧ɔ̧mà la aa njɨ̀a ayɔb bɔ̂ bòt ko àdzìꞋ yu bɔ̀ɔ ŋǎ èghɨ abua Mbɔ̧ɔ̧mà la.

1 Tɔ̀màtià 2:5

Aa ale nkàà nê Mbɔ̧ɔ̧mà nàà wemɔ̀Ꞌ, wòt tàa ntsəèꞋna àyɔ̀ŋ a kètsìà Mbɔ̧ɔ̧mà bɔ̂ bɔbȩ la mè ngu wemɔ̀Ꞌ. Ŋut wu Yesò Klistò à.