Bib sou entènèt

Lûk 9:41 - Mundani

⁴¹ Yesò bɨ̀ɨ̀lè nê “Bɨ̀a waa bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Ale, tà shu abua wòt wu nê, Nɨ waã wè nɨŋ nkɨ̀Ꞌɨ̂ adzìꞋ yaa!”

Gade chapit la Kopi

tounen moute ⬆

Lûk 9:41
31 Referans Kwoze

Jɔ̌n 20:27

Tà làꞋ ale mbɔ̂ shu abua Tɔmasì nê, “Zì kèti fê a si ŋàa mbɔ̂ ndȩ̀ èbu bɔ̧ ndze, mè ntsàà àbu ayê mbà̧à̧te àbâ mbɨ̧̀ am. Bɨ̧ɨ̧ne, à ka tsi màkè.”

Jɔ̌n 14:9

Yesò shu abua tò nê, “Nko nê à bele kà ziꞋ nko am ane àfɨ̀Ꞌ à seè yaa mâ tseke ba nɨ̧̀ ba la a Filìb? Wòt tà ye am la ko nê, ye ye Tǎt am. À ghɨ̀ na ka nê è nyɨꞋte awɨ̧ a Tǎt am à?

Ntu̧ Ntsɔ̧̀ MAK 9:19

Yesò bɨ̀ɨ̀lè nê, “Bɨ̀a waa bɨ wu àndǎ̧ kà koa Mbɔ̧ɔ̧mà. Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ nɨ waã mbɔŋ nkɨ̀Ꞌɨ̂ àdzìꞋ yaa ŋǎ abua am!”

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

Ebùlù 4:2

Ba li ndzəâ Ntu̧ Ntsɔ̧̀ Mbɔ̧ɔ̧mà wuê mbɨ̀Ꞌɨ̀ bɔ li ndzə la, ka ndzə ale èngǎ̧ mbɔŋ è ka ghɨ a ntsɔ̧̀ ko ane yɔb nkàà nê, bɔ li bɔ̀ ka bɨ̧ɨ̧nè a mèntɨ̧ɨ̧ mɔb nê Mbɔ̧ɔ̧mà naa ghɨ̀ mbɨꞋɨ̀ tà shu la.

Ebùlù 3:19

Ale, ba ye nê bɔ li bɔ̀ ka nyi a èbem àdziꞋa mbɔŋ nkàà nê bɔ li bɔ̀ ka bɨ̧ɨ̧ne ànəa Mbɔ̧ɔ̧mà shu la.

Lûm 2:4

Kò àa mɨ̀ɨ̀tà nê ndɨ̀ wu Mbɔ̧ɔ̧mà bɔ a bɔɔla èntɨ̧ɨ̧ mè me baãaã èntɨ̧ɨ̧ vi nkua tèsȩte bòt la, tàa sà àwê aa ghà àku à? À bakà ko nê ntsɔ̧̀ waa Mbɔ̧ɔ̧mà nyɨ̀Ꞌta la, wua nkɨà mbɨ̀Ꞌɨ̀ aa kubte ane mènəè kàbɔ̀ŋ mê?

ÀfaꞋa 13:18

bɔ me ghɨ̀ mènəè kà kuêꞋ, ka tà bɔ̂ nkùùle èntɨ̧ɨ̧ vi ntsèke bɔ̂ tò ba ane èngùꞋ èghem yekwì àbâ àlaꞋ àyuube.

ÀfaꞋa 2:40

Pità làꞋà mènəè nyaŋ nɨŋ shù̧ù̧te awɔb, mè səèŋkè ètû̧ bɔb nê, bɔ̀ kubte ane mènəè kàbɔ̀ŋ mɔb mbɨ̀Ꞌɨ̀ ngoꞋ yaa nga ekwene a ègwet bòt kàbɔ̀ŋ la, è kwene a ègwet lɔb mɨ̧̂.

Lûk 8:25

Tà bììte awɔb nê, “Èghǎ ghɨ̂ ka bɨ̀ ka zi èntɨ̧ɨ̧ wɨ̧ ane yaã à?” A taꞋa tsè àwɔb, bɔ bɔ̀ɔ ànyaꞋne, mbùꞋ me làꞋte a kètsìà wɔb nê, “Eyaa chɨɨme ngu wà ka àfeme bɔ̂ mèleb a me zəèa tò à?”

Matìù 16:4

Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨà nkɨà nê è nyɨꞋte awɨ̧ àlȩê ka bɨ̀ ka wu eye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.” Tà ghɨ̀ ale, sà àwɔb me ghǎ.

Matìù 12:39

Yesò bɨ̀ɨ̀lè nê “Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨa nkɨà nê è nyɨꞋte awɨ̧ àlȩê ka bɨ̀ ka wu ye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.

Matìù 3:7

Ka àfɨꞋa tà ye Bèfalèsiì nyaŋ nè Bèsadùsiì nkɨ̀Ꞌa taa zǐ àwɔb a èdzî mɨ̧̂ la, tà bììte awɔb nê, “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

Ntu̧ Ntsɔ̧̀ MAK 10:49

Yesò tɨ̧ shu nê, “Bɨ̀ tɔ tò.” Ale, bɔ tɔ wòt àghɨ àleme wu nê, “WùꞋtè àwê; kȩ ndɔ̀Ꞌ a si, Yesò nàa ntɔ awê!”

Ntu̧ Ntsɔ̧̀ MAK 10:14

Yesò è ye ndɨ bɔ ghɨ̀à la, a saa tò tà shu abua bɔkatè bi bu nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨ̀Ꞌɨ̀ bɔ̀ɔ̀ba wàà.

Matìù 23:36

TsiꞋ è shu awɨ̧ ane nkûŋ nê, ànyem bòt baa bàgème aa li nɔ̀ŋke akedû̧tsə bòt laane wàa.

Matìù 12:45

è mè ngà nɨ fote kàbɔ̀ŋ ko tesà̧à̧mbe te bɨɨtè ntsè yùà la nɨŋ kɨꞋɨ bɔ tseke a èbèm. À ghǎ a me lìa ŋut bê bɨɨ tê ntsè ndɨ tà ghɨ̂ ndzaã ngu la. Eyaa wu ndɨ àa li wu ane àndǎ̧ kàbɔ̀ŋ yaa laane la.”

Matìù 11:28

“Bɨ̀a wu bɨ̀a fàꞋà nkaãaã mè ŋeꞋa àbòꞋa lelet la, bɨ̀ kɨꞋɨ abua am, ko maa ghɨ̌ bɨa yètè.

Lûk 9:40

Mâ yaãaã shù̧ù̧te bɔkatè bê nê bɔ̀ fəa yùà ka bɔ̀ fəè kekaŋ.”

Lûk 9:42

Mbɨ̀Ꞌɨ̀ waã wu lɔ̀Ꞌ te me kɨꞋɨ la, fo kàbɔ̀ŋ yu ŋeꞋe atò màꞋa a si ngɨ̀ àtsəadzə a lɔ̀Ꞌɔ ane tò. Yesò bê ŋȩ fo kàbɔ̀ŋ yu, mbəè waã wu, mvəèəè atò abua tǎt tò.

Swiv nou:

Lyen patwone

Piblisite

Piblisite