Lûk 8:21 - Mundani

²¹ Yesò shu abua banɔ̧̀ bu bàgème nê, “Nyɨ̌ am bɔ̂ bɔnyɨ bɔ̧ wu bòt bu bɔ̀ɔ ndzəèa èngǎ̧ Mbɔ̧ɔ̧mà ngɨ̀à àghɨa e shua la.”

Lûk 8:21 Referans Kwoze

Jimsì 1:22

Bɨ̀ ka me fɨte awɨ̧ bɨ̀ambɔŋ ndzəèa àghɨa èngǎ̧ Mbɔ̧ɔ̧mà e shua la zə, bɨ̀ me ghɨ̀ mbɨ̀Ꞌɨ̀ e shua la.

Jɔ̌n 13:17

Bɨ koa èghɨ bàa, mè me ghɨ̌ bùà ko ntsɔ̧̀ wu bɨ̀a.

3 Jɔ̌n 1:11

Ngule shu̧ yaã, à ka me fɨŋe bòt bu bɔ̀ɔ ngɨa kàbɔ̀ŋ la. Me fɨŋe wuê è bu bɔ̀ɔ ngɨa ntsɔ̧̀ la. Waa waa tàa ngɨ̀à ntsɔ̧̀ la wu wòt Mbɔ̧ɔ̧mà, ka wòt tàa ngɨ̀à kàbɔ̀ŋ la, wu wòt kà ko a Mbɔ̧ɔ̧mà.

1 Jɔ̌n 2:29

Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.

2 Kɔlìn 6:18

Ewu tǎt wɨ̧, bɨa mě ewu bɔ̧ bɔ̧, mbâ̧tsə nè bèzi. È làꞋà mmɔ̌ Tǎt wɨ̧ Mbɔ̧ɔ̧mà Àtsèàngɔ̀ŋ.”

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Matìù 28:10

Yesò shu abua yɔb nê “Bɨ̀ ka mbɔ̀â, bɨ̀ ghǎ shu bɔnyɨ bɔ̧ nê bɔ̀ ghǎ a Galìlî ko bɔɔ ye am abàꞋ və.”

Matìù 25:45

“Ko tàa bɨ̀ɨ̀le nê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li kaꞋa ghɨ̌ ane we tà lìa a kwèn ane bɔnyɨ bɔ̧ baa la, a wu nê bɨ li kaꞋa wua ngɨa abua am.’

Lûk 8:20

Wòt kǒ shu abua tò nê, “Nyɨ̌ wè nè bɔnyɨ bè bɔ wu àbȩ nkɨ eye awê.”