Lûk 8:10 - Mundani

¹⁰ Tà shu nê, “Bɔ ŋa wɨ̧ èyì a mànkoa ènəê ndò̧ Kèfɔ̧̀ Mbɔ̧ɔ̧mà, ka è me wu bòt ko, ko bɔɔ̀ ndzəèa mènəè ègème ane mèngà̧teme, ‘Mbɨ̀Ꞌɨ̀ bɔ̀ lâ bɔ̀ lɨŋka, bɔ̀ ka ye, bɔ̀ yute, bɔ̀ ka zə.’

Lûk 8:10 Referans Kwoze

Ntu̧ Ntsɔ̧̀ MAK 4:11

Yesò bɨ̀ɨ̀lè nê “Bɔ tuꞋu ànəa ndò̧ Kèfɔ̧̀ Mbɔ̧ɔ̧mà abua yɨ̧, ka è wu bòt kà zi mèntɨ̧ɨ̧ mɔb ane yaã ko bɔɔ̀ ndzəèa mènəè ègème ane mèngà̧teme,

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Kɔlìn 12:11

Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

Jɔ̌n 12:40

“Mbɔ̧ɔ̧mà liime àghɨ ayɔb, mè ngɨ̀ bɔ ka wua nkoa èdziꞋ, mbɨ̀Ꞌɨ̀ ka bɔ gha ghɨ̌ nɨ̀ àghɨ ayɔb ndze, mè nɨ ètû̧ bɔb ndzə, ndɔ̀Ꞌ nko ane mèntɨ̧ɨ̧ mɔb, ngèble awɔb nkɨ̀Ꞌɨ̂ maa bə awɔb.”

Ntu̧ Ntsɔ̧̀ MAK 4:12

mbɨ̀Ꞌɨ̀, ‘Bɔ̀ lâ bɔ̀ lɨŋka, bɔ̀ lɨŋka, bɔ̀ ka ye, bɔ̀ yute, bɔ̀ yute, bɔ̀ ka zə, mbɨ̀Ꞌɨ̀ e ghɨ̀ bɔ kubtè, Mbɔ̧ɔ̧mà waꞋa a kàbɔ̀ŋ wɔb.’ ”