Lûk 7:47 - Mundani

⁴⁷ Maa shua awê nê, ngɨŋa èkɔŋ tà nyɨꞋte la, è nyɨꞋtè nê, Mbɔ̧ɔ̧mà e waꞋa ènyaꞋne kàbɔ̀ŋ tò. Ka waa waa tà ye nê ye bakà ghɨ a kàbɔ̀ŋ ko nyaŋ Mbɔ̧ɔ̧mà nàa waꞋa la, nàà nyɨ̀Ꞌta wuê adziꞋi èkɔŋ.”

Lûk 7:47 Referans Kwoze

1 Jɔ̌n 4:19

Baa nkɔ̀ŋkà Mbɔ̧ɔ̧mà nè bɔnyɨ ba, nkàà nê Mbɔ̧ɔ̧mà li mbɨ̀ nkɔ̀ŋkè àwa.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Lûm 5:20

Mbɔ̧ɔ̧mà li ntsèke tè ŋǎ mbɨ̧ mbɨ̀Ꞌɨ̀ kàbɔ̀ŋ naa kwèꞋne, ka mbɨ̀Ꞌɨ̀ kàbɔ̀ŋ è kwèꞋnè la, ntsɔ̧̀ Mbɔ̧ɔ̧mà paa nkwèꞋne.

Efesɔ̀s 6:24

Maà ntsàꞋtà nê, Tǎt wa Mbɔ̧ɔ̧mà nyɨꞋte a ntsɔ̧̀ vi ane bòt bàgème bɔ̀ɔ nkɔ̀ŋkà Yesò Klistò Lefɨ̀Ꞌ wa nè èkɔŋ kà wu lìa la.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

Filìpȩ 1:9

Maà ntsàꞋtà Mbɔ̧ɔ̧mà àtsəa yɨ̧ nê, èkɔŋ wɨ̧ è me tsəa ngà wuê nè mbì, a màmbɔ èyì, e mě lâ eko ndɨ bɨ̀a me ghɨ̌ àghɨ àgème la.

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

Lûk 7:39

Wòt Falèsiì wu ye, ndèmtè nê, “Mbê waa ghɨ̀ ale, ngu ngule ndàꞋàtɔŋ Mbɔ̧ɔ̧mà, mbə tà ko àghɨa àvi waa mbà̧à̧ta tò la wu yùà la. Ko tà ko èwuu kàbɔ̀ŋ tàa ngɨ̀à la.”

Matìù 10:37

“Wòt tà kɔ̀ŋkè tǎt vi nè nyɨ̌ vi tè ntsè am la, bakà kuꞋu ewe tàa wu wɔ̧ la. Wòt tà kɔ̀ŋkè wambâ̧ vi kò waàvi vi leꞋ tè ntsè am la ka meè kùꞋu ewe tàa wu wɔ̧ la.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

Lûk 7:46

À ghɨ̂ à kà ŋa mèwet maa nɨ yɔꞋɔ àtsə am, ka tà bɔ̀ɔ̀lè èka bɔ̧ nè mèwet àghaa ntsɔ̧̀.

Lûk 7:48

Yesò làꞋ ale, è shu abua àvi mbɔŋ nê, “Mâ waꞋa kàbɔ̀ŋ wê.”