Lûk 7:37 - Mundani

³⁷ Àvi kǒ tàa ntsèka a èbem àpfəa mbɔŋ ngu ghȩ̀ȩ̀nè ghȩȩne la, è zə nê Yesò wu a lob wòt Falèsiì wu njɨ̀a èghɨjɨ. Ale, tà nɨ mèwet àghaa ntsɔ̧̀ a èbem atǒꞋ nɨŋ nkɨ̀Ꞌɨ̂,

Lûk 7:37 Referans Kwoze

Lûk 5:32

È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Matìù 21:31

“Yesò làꞋ ale mbɔ̂ mbììte nê ane bɔ̧ bàa babe la wàa li ngɨ̀ àghɨa tǎt tò li ngua nkɨà nê tà ghɨa la à?” Bɔ bɨ̀ɨ̀lè nê “Èwe mbì.” Ale, Yesò shu abua yɔb nê “Ane nkûŋ tsiꞋ è shua wɨ̧ nê, bèfetà èkab taksì nè bèghȩ̀ȩ̀nè ghȩ̀ȩ̀ne aa pààtè àwɨ̧ wàa e nyi a Kèfɔ̧̀ Mbɔ̧ɔ̧mà.

1 Pità 4:18

Àkata Mbɔ̧ɔ̧mà a laꞋnê, “A chɨɨme ngu me kweele bòt bu bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la a mànyia kèfɔ̧̀ tò, ko àa wu na ane bòt kàbɔ̀ŋ bu bɔ̀ɔ ka kuŋe balu̧ tò la à?”

1 Tɔ̀màtià 1:9

Ba chɨɨme nko ntsɔ̧̀ nê, Mbɔ̧ɔ̧mà li tà kà wua ngɨ̀à mbɨ̧ taa abua bòt bɔ tɨ̧ɨ̧ ndɨŋndɨ̀ŋ la. Tà li ngùa ngɨ̀à mbɨ̧tsə abua bòt bɔ̀ɔ mpààtà mbɨ̧tsə la, nè bòt àtsə àkekweelè. Mbɨ̧tsə te wu abua bòt bu bɔ̀ɔ ntsò̧ò̧ta a Mbɔ̧ɔ̧mà, mè ngɨ̀à mènəè kàbɔ̀ŋ la. Mè ngu abua bòt bu mènəè mɔb bakà tɨ̧ɨ̧ ndɨŋndɨ̀ŋ a mbì tò la, mè nè bòt bu bɔ̀ɔ ntsòꞋa èngǎ̧ tò la. Mbɔ̧ɔ̧mà li mèe ngɨ̀ mbɨ̧ taa abua bòt bu bɔ̀ɔ mbùŋà bètǎt bɔb nè bènyɨ̌ bɔb la, nè waa waa tàa mbùŋa bɔbȩ la.

Lûk 18:13

“È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”

Lûk 5:30

Bèfalèsiì nè bènyɨꞋtà mbɨ̧te Musì bɔb e biite bɔkatè Yesò nê, “Ghǎ ghɨ̂ ka bɨ me jɨ mè nua bɨ bènɨa èkab taksì nè bòt kàbɔ̀ŋ à?”

Lûm 5:8

Ka Mbɔ̧ɔ̧mà nyɨꞋte èkɔŋ vi abua ya ndɨ̀ wu bà le bele bòt kàbɔ̀ŋ tà ghɨ̀ Yesò Klistò è pfə ambo ya la.

Jɔ̌n 11:2

Màlià waa wu àvi wu tà li nɨ̀ mèwet àghaa ntsɔ̧̀ ndzɔ̀Ꞌɔ̀ èka Yesò ndɔ̀Ꞌ nɨ nyemtetsə ti nɨŋ ndzò la. Mbɨ̀Ꞌɨ̀ Lazalɔ̀s wanyɨ wɔb wua ngò̧ò̧nà la,

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

Jɔ̌n 9:31

Ba ko nê Mbɔ̧ɔ̧mà nàà kà yute àghɨa bòt kàbɔ̀ŋ aa ndò̧a abua tò la, ka è me wu wòt wu tàa ŋa kènuke abua Mbɔ̧ɔ̧mà mè ngɨ̀à àghɨa tàa nkɨà la, tà me yute èngǎ̧ tò.

Jɔ̌n 9:24

Bɔ ghɨ̀ ale mè ntɔ wòt wu àghɨ a tò a li ndzaã ndem la, shu abua tò nê, “WùꞋte a Mbɔ̧ɔ̧mà, ba ko nê mbê waa tà bə awê la wu wòt kàbɔ̀ŋ.”

Lûk 19:7

Bòt bu bàgème bɔ wu abot la, bɔ bùꞋ me lèmte shùa nê, “Tà gha eli a lob wòt mènəè kàbɔ̀ŋ?”

Lûk 7:34

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ!’

Lûk 7:36

Wòt Falèsiì ko lè kaꞋa Yesò nê tà kɨꞋɨ njɨ̀ èghɨjɨ a lob zi. Yesò ghà a lob tò ntsèke a si a mànjɨa èghɨjɨ bu.