Lûk 7:24 - Mundani

²⁴ Mbɨ̀Ꞌɨ̀ bɔntu̧ Jɔ̌n bu e ghà la, Yesò bùꞋ me laꞋa ànəa Jɔ̌n abua ènɔ̧̂ bòt bu shua nê, “Bɨ li me nkùŋe a Jɔ̌n e gha àbâ àlaꞋ àyuube ale, mɨ̀ɨ̀tè nê bɨ gha eye ghà à? Bɨ li ngua nga eye àtsəa èfəèꞋ àfeme àa mpàà maꞋa àbâ abà la à?

Lûk 7:24 Referans Kwoze

Efesɔ̀s 4:14

Ba tsiꞋi anè ko bà ka tsi ewu mbɨ̀Ꞌɨ̀ bɔtechɨɨle, bòt mèfà̧ àa nɨa kèghebte fɨ̀ta wɔb mpàà wɔb mbɨ̀Ꞌɨ̀ àfeme maꞋa àbâ abà, ngɨ̀à èbeko ane yɨ̧ e bɨ̧̀ɨ̧̀nà mènəè fɨ̀te la a.

Lûk 1:80

Waã wu li ntsə, èyì tò e mè me kwèꞋne. Tà lɔ̀Ꞌ ngà ntsèke àbâ àlaꞋ àyuube tè ngà ndzə àfɨꞋa Mbɔ̧ɔ̧mà nàa ghɨ̌ bòt Izəèlȩê aa ko atò la.

2 Pità 3:17

Bèshu̧ bɔ̧, ndɨ̀ waa bɨ ko mènəè maa tè ndɔ̀Ꞌ la, bɨ̀ me baabe awɨ̧ mbɨ̀Ꞌɨ̀ ka bòt kàbɔ̀ŋ baa bɔ fà̧à̧tè èka bɔb la, e tsòkè ètsə bɨ̧ ngɨ̀ èka bɨ̧ e lɔŋ, èntɨ̧ɨ̧ wɨ̧ wu bɨ zi ane Mbɔ̧ɔ̧mà la è ka tsi ngua nkwèèla.

2 Pità 2:17

Bòt baa aa mbɨ̀Ꞌɨ̀ badzì be yu̧u̧ la, mè ngu mbɨ̀Ꞌɨ̀ mbɨ̀ŋ è kɨɨlà, àfeme àkekepeelè a me nɨa ndèa la. Mbɔ̧ɔ̧mà taŋke àdziꞋ abua yɔb a èbem kèbìꞋà.

Jɔ̌n 1:23

Tà bɨ̀ɨ̀lè nê, “E ngu àtɔŋ wòt kǒ ŋȩ̀a a èbem àbâ àlaꞋ àyuube shua nê bɨ̀ nèète alu̧ Lefɨ̀Ꞌ è tɨ̧ɨ̧ ndɨŋndɨ̀ŋ mbɨ̀Ꞌɨ̀ ndàꞋàtɔŋ Mbɔ̧ɔ̧mà, Àsayà li shu la.”

Lûk 7:23

Ntsɔ̧̀ wu wòt wu tàa ka màkè àghɨa è ngu yùà la.”

Lûk 7:25

Tè a bakà wu ale, ko bɨ li ngua nga àbȩ eye ghà à? Bɨ li ngua nga eye wòt bɔ wèe atò ane ndìte ntsɔ̧̀ la à? Bɨ ko nê, bòt bɔ wèè àwɔb ane ndìte ntsɔ̧̀ la bɔɔ ntsèka ne èbem ntɔꞋtsə.