Bib sou entènèt

Lûk 7:16 - Mundani

¹⁶ Kèbɔɔ ke baãaã awɔb bàgème, bɔ kɔ̧ ngùꞋtè a Mbɔ̧ɔ̧mà nê, “TaꞋà ndàꞋàtɔŋ Mbɔ̧ɔ̧mà è saꞋa a kètsìà wa. Mbɔ̧ɔ̧mà è kɨꞋɨ̀ etɨŋe bòt bi.”

Gade chapit la Kopi

tounen moute ⬆

Lûk 7:16
31 Referans Kwoze

Lûk 7:39

Wòt Falèsiì wu ye, ndèmtè nê, “Mbê waa ghɨ̀ ale, ngu ngule ndàꞋàtɔŋ Mbɔ̧ɔ̧mà, mbə tà ko àghɨa àvi waa mbà̧à̧ta tò la wu yùà la. Ko tà ko èwuu kàbɔ̀ŋ tàa ngɨ̀à la.”

Matìù 9:8

Mbɨ̀Ꞌɨ̀ ènɔ̧̂ bòt bu e ye ale la, kèbɔɔ ke baãaã wɔb, bɔ tsiꞋi me wùꞋte a Mbɔ̧ɔ̧mà wu tà ŋa èwuu àtɔŋ yàa abua wɔ̀bȩ̂ la.

Lûk 1:68

“Bà wùꞋte èlen Lefɨ̀Ꞌ wu, tà wu Mbɔ̧ɔ̧mà bòt Izəèlȩê la. Tà kɨꞋɨ̀ ntɨ̀ŋe bòt bi ndɔ̀Ꞌ nchùꞋu ètsə bɔb, ntsì àwɔb a èbem ngoꞋ.

Lûk 5:26

A tsè àwɔb bàgème, kèbɔɔ ke baãaã awɔb, bɔ tsiꞋi me wùꞋte a Mbɔ̧ɔ̧mà shua nê, “Baa ye nkɨ̀Ꞌnè ènəê laane.”

Lûk 2:20

Bèmbaabà njɨ̀ bu e ghɨ̀ ale, nkua akwèn me kɔ̧ɔ̧ ngùꞋtà Mbɔ̧ɔ̧mà ane mènəè bɔ zə mè ndze la. A li mbê ngu mbɨ̀Ꞌɨ̀ wantu̧ Mbɔ̧ɔ̧mà shu awɔb la.

Lûk 1:65

Ale, bòt àpfəè ayɔb e bɔɔ̀, àndǎ ànəê yaa a ghɨ̀ la, a ghà èdziꞋ ègème àlaꞋ a tèbȩ ko bɔ̀ɔ ntɔ̀ nê wu Jùdià la.

Matìù 21:11

Ènɔ̧̂ bòt bu e nê “Eyaa wu ndàꞋàtɔŋ Mbɔ̧ɔ̧mà wu èlen tò wu Yesò, tà dzəa Nazàlet àbâ àlaꞋ a Galìlî la.”

Matìù 15:31

Ènɔ̧̂ bòt bu e ye ndɨ mbûꞋtsə te ntsiꞋa ndàꞋà, bòt bɔ̀ɔ ŋɔ̧ɔ̧ma a si la e lɔ̀Ꞌtè tsìꞋa ngȩ̀ȩ̀nà àtetsi, èka bòt e li ŋɔꞋte la, e tsiꞋi tɨ̧ɨ̧ ndɨŋndɨ̀ŋ, mè ndze ndɨ àghɨ a bòt àghɨ àleme, a ghaꞋtè la ànəa mbɔŋ a bê ntsè àwɔb, bɔ tsiꞋi me ŋa mèngùꞋte abua Mbɔ̧ɔ̧mà bòt Izəèlȩê.

Gàlashìà 1:24

Mbɨ̀Ꞌɨ̀ bɔ zə ale la, bɔ wuꞋta Mbɔ̧ɔ̧mà nkàà am.

ÀfaꞋa 5:5

Mbɨ̀Ꞌɨ̀ Ànàniàs è zə ànəê yaa la, tà bê ndèbe a si kwàꞋ afɨꞋa mbɔŋ mpfəè tê fi. Bòt bàgème bɔ zə àghɨa a ghɨ̀ la, e bɔ̀ɔ̂ kwàꞋ ànyaꞋne.

Jɔ̌n 9:17

Ale, bɔ mè mbììte wòt mbɔŋ nê, “Àwɔ̀ mbɔŋ àa shua nè ghà ane mbê waa tà ghaꞋa àghɨ a yê la à?” Tà bɨ̀ɨ̀lè nê, “Tà wu ndàꞋàtɔŋ Mbɔ̧ɔ̧mà.”

Jɔ̌n 6:14

ÀfɨꞋa bòt e ye ngɨŋa ànəê yaa Yesò ghɨ̀ la, bɔ nê, “Eyaa lâ ngu ndàꞋàtɔŋ Mbɔ̧ɔ̧mà wu tà li mbɔ̌ ndɨ tàa kɨꞋa sitsǎꞋ la.”

Jɔ̌n 4:19

Àvi mbɔŋ shuê abua tò nê “Tê, mâ ye nê à wu ndàꞋàtɔŋ Mbɔ̧ɔ̧mà.

Jɔ̌n 1:25

Bɔ mè mbììte a Jɔ̌n nê, “À bakà wu Fɔ̧̀ wu Mbɔ̧ɔ̧mà li ndzɔꞋ etsàà la, mbakà wu Èlȩjà mè mbakà wu ndàꞋàtɔŋ Mbɔ̧ɔ̧mà, ghǎ a ghɨ̀ ka à me zǐ bòt a èdzî à?”

Jɔ̌n 1:21

Tà làꞋ ale, bɔ mè mbììte nê, “Tè à wu wàà? À wu Èlȩjà?” Jɔ̌n bɨ̀ɨ̀lè èngǎ̧ wɔb nê, “ÀwɔꞋ e ntsě tòà.” Bɔ mè mbììte atò nê, “Tè à wu ndàꞋàtɔŋ Mbɔ̧ɔ̧mà wu bɔ̀ɔ nchɨ̀Ꞌà la à?” Tà nê “ÀwɔꞋ.”

Lûk 24:19

Yesò mè mbììte nê, “Ka ànəê à?” Bɔ bɨ̀ɨ̀lè nê, “Ànəa a ghɨ̀ ane Yesò wu, tà wu wòt Nazàlet la. Tà lè wu ndàꞋàtɔŋ Mbɔ̧ɔ̧mà, mbɔ̂ bɔbȩ e li nɨa tò mbɨ̀Ꞌɨ̀ wòt tàa ngɨ̀à mènəè kà ye fɨ̀Ꞌ ane èghɨ ègème tàa shuà mè ngɨ̀à la.

Lûk 9:19

Bɔ bɨ̀ɨ̀lè nê “Bòt ko aà shua nê à wu Jɔ̌n ndzìà èdzî, èbeko e shua nê à wu Èlȩjà, ka nè èbe bèa shua nê à wu ndàꞋàtɔŋ nyaꞋ Mbɔ̧ɔ̧mà kǒ tà yu̧u̧me la.”

Lûk 8:37

Ale, bòt tèpfəte èlaꞋ Galasìn tègème e shu abua Yesò nê, tà dzə àbâ àlaꞋ a yɔb me ghǎ, ngu ndɨ kèbɔɔ kekweelè ke baãaã awɔb la. Ale, Yesò nyi a èbem ànkànuꞋ yu me ghǎ.

Lûk 5:8

Simùn wu èlen tò ko wu Pità la ye àghɨa a ghɨ̀ la, kwen a si a mbì Yesò nê, “Tê, e mbakà kùꞋu wòt màa wu ne nè la, e ngu wòt kàbɔ̀ŋ.”

Matìù 28:8

Ale, bɔ lɔ̀Ꞌ àtsəasì yu me lùùla ngà e shu bɔkatè Yesò, ngà ale mbɔ̀â, ka mbɔ̂ me wùꞋtè àwɔb kwàꞋ ànyaꞋne ane àghɨa a ghɨ̀ la.

ÀfaꞋa 7:37

“Musì wu wòt wu tà li shu abua bòt Izəèlȩê nê, Mbɔ̧ɔ̧mà naa li tsàà àwɔb a ndàꞋàtɔŋ kǒ wuê mbɨ̀Ꞌɨ̀ tà li ntsàà avi la. Tà li nê, ŋut naa li wu wòt tà dzəè ayɔɔ ayɔb la.

Lûk 19:44

Mbɔ̂ ngɨ̀ ale nyi a èbèm àpfəè yu, ndììmè bòt bàgème bɔɔ a èbèm la, mè mbùù lobtsə tègème tè ngà ndzəè ane ètetsi. Èghɨ baa aa li ghɨ̌ a èlɨ waa, nkàà nê bɨ le kaꞋa nɨ àli yu Mbɔ̧ɔ̧mà le kɨꞋɨ etsì àwɨ̧ a èbem kàbɔ̀ŋ wɨ̧ la mbɨ̀Ꞌɨ̀ àghɨ ako.

Lûk 7:15

Tà shu a èlɨ ngaa ale, wòt wu tà pfə la bê ndɔ̀Ꞌ, ntsèke a si, mbùꞋ me làꞋa. Yesò bà̧à̧ àbu atò, ŋa abua nyɨ̌ tò.

Swiv nou:

Lyen patwone

Piblisite

Piblisite