Lûk 6:37 - Mundani

³⁷ “À ka me zəâ èfaãnəè bòt mbɨ̀Ꞌɨ̀ Mbɔ̧ɔ̧mà li ndzəèəè è bê mɨ̧̂; à ka nê à ye wòt à bɨ mbɨ̀Ꞌɨ̀ Mbɔ̧ɔ̧mà li nê àyê a bɨ mɨ̧̂; waꞋa kàbɔ̀ŋ bòt mbɨ̀Ꞌɨ̀ Mbɔ̧ɔ̧mà naa li waꞋa è bê mɨ̧̂.

Lûk 6:37 Referans Kwoze

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Jimsì 5:9

Bɔnyɨ bɔ̧, bɨ̀ ka me lèmtè bɔnyɨ bɨ̧ mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ kwen. Tòà wu tàa sàꞋa la, è kɨꞋɨ tê ntsìꞋi a ètsələèꞋ.

Ntu̧ Ntsɔ̧̀ MAK 11:25

À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Kɔ̀losìà 3:13

Bɨ̀ me baãaã mèntɨ̧ɨ̧ mɨ̧, mè ngwaꞋà bèkàbɔ̀ŋ bɔnyɨ bɨ̧ ane àghɨ àgème bɔ ghɨ̂ bɨ me fèèlè àwɔb adù̧ la. Bɨ̀ me waꞋa bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò Lefɨ̀Ꞌ waꞋa è bɨ̧ la.

Matìù 5:7

Ntsɔ̧̀ wu bòt bu bɔ̀ɔ nkùa tèsȩte èbeko la, Mbɔ̧ɔ̧mà naa li ku tɔb ne tèsȩ.

Matìù 18:30

“Tà shu̧u̧te atò ale tà tu̧, nɨa tò nɨŋ nga maꞋa lob tèfȩ nê tà ghɨ̀ mbakà tsə njû yu tà kà dzəê.

Lûk 6:36

Bɨ̀ me ku tèsȩte bòt mbɨ̀Ꞌɨ̀ Tǎt wɨ̧ Mbɔ̧ɔ̧mà nàa nkùa tèsȩte bòt la.

Lûk 23:16

Maa ghɨ̌ bɔɔ shu̧u̧ atò, ebɔ sa atò taa me ghǎ.”

ÀfaꞋa 3:13

Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

Jimsì 2:13

Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.