Lûk 6:28 - Mundani

²⁸ Bɨ̀ lɔ̀ɔ̀le bòt bu bɔ̀ɔ ndzìà ndɔ̀tsə àtsə bɨ̧ la, mè ntsàꞋtè a Mbɔ̧ɔ̧mà ane bòt bu bɔ̀ɔ ngɨ̧̀ɨ̧̀nà àwɨ̧ la.

Lûk 6:28 Referans Kwoze

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

1 Kɔlìn 4:12

nɨa èbu ba fàꞋà mbɔ̌ tèbəꞋtsə mbɨ̀Ꞌɨ̀ bɔ ètsəèjɨ wa. Wòt tsɔ̧̀ɔ̧̀tà wa, ba nê Mbɔ̧ɔ̧mà lɔ̀ɔ̀lè atò, bòt è me kɨ àtsəa ya enɨ, ba me kuule mèntɨ̧ɨ̧ ma.

Lûm 12:14

Bɨ̀ me shu nê Mbɔ̧ɔ̧mà lɔ̀ɔ̀le bòt bu bɔ̀ɔ nkɨà àtsəa yɨ̧ enɨ la, bɨ̀ me shu nê tà lɔ̀ɔ̀lè àwɔb, bɨ̀ ka me zǐ ndɔ̀ àtsəa yɔb.

Jimsì 3:10

Èlɔ̂t bɔ̂ kèntsɔ̧̀ɔ̧̀mè aà ndzəèà wuê a èbem ètsəê wemɔꞋ. Bɔnyɨ bɔ̧, a ghɨ à ka wu ewu ale.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Lûk 6:27

“Ka maà shua wɨ̧ wu bɨ̀a ndzəèa am la nê, bɨ̀ me kɔ̀ŋke bɔmbù̧ bɨ̧, ngɨa ntsɔ̧̀ abua bòt bu bɔ̀ɔ ka kɨ eye awɨ̧ la.

Matìù 5:44

Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’

ÀfaꞋa 7:60

Tà ntèm tènjûŋ ti a si ŋȩ̂ ane àtɔŋ nɨ̧ nê, “Lefɨ̀Ꞌ, ko mbɨ̀Ꞌɨ̀ à bèà ànəa kàbɔ̀ŋ yaa bɔ ghɨ̀ la a èntɨ̧ɨ̧ wê.” Tà shu ale, mbɔ̂ mpfə.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

ÀfaꞋa 14:5

Bɔ lɔ̀Ꞌɔ àfɨꞋa mbɔŋ, Bèjuê bɔ̂ bɔɔjuŋ ayɔɔ yɔb nè bòt kà wu Bèjuê e làŋkè nê bɔ̀ ghɨ̧̀ɨ̧̀nè bɔntu̧ Yesò bu ntèmte awɔb ane àti.