Lûk 6:23 - Mundani

²³ “Bɨ̀ ben ngùꞋtè àwɨ̧, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Bɨ̀ ko nê eyaa wu ndɨ bètǎt nyaꞋ bɔb e li ngɨ ane bèndàꞋàtɔŋ nyaꞋ Mbɔ̧ɔ̧mà la.

Lûk 6:23 Referans Kwoze

Ètsə 21:7

Wòt tà nù tê ntsè la naa bɔ èghɨ bàagème, maa wu Mbɔ̧ɔ̧mà tò, tàa mě wu waã am.

Ètsə 3:12

Wòt tà kuule èntɨ̧ɨ̧ vi nù tè ntsè la, maa li ghɨ̌ tàa bɔ àdziꞋ a lob Mbɔ̧ɔ̧mà am ane àlia nè àlia. Àfɨ̀Ꞌà ko tàa li sà àdziꞋa mbɔŋ la a ntsě. Maa shɨ èlen Mbɔ̧ɔ̧mà am a èsi tò, nè èlen àdziꞋ yu Mbɔ̧ɔ̧mà am nàa ntsèka, è wu Jèlusalèm fi, è dzəa ègwet abua Mbɔ̧ɔ̧mà am la. Maa shɨ èlen fi laã mɨ̧̂ a èsi tò.

Ètsə 3:5

Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

Matìù 5:12

Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.

Ètsə 2:26

“ ‘Wòt kuula èntɨ̧ɨ̧ vi nùà tè ntsèà, mè ngɨ̀ àghɨa màa nkɨà la ngà te ndìà, ko maa ŋa atò mètàŋ a ègwet èlaꞋ ègème,

Ètsə 2:17

“ ‘Wòt bɔ ètû̧, tà yùte ànəa Fo Mbɔ̧ɔ̧mà nàa shua abua bèchɔsì bu la. Wòt kùùla èntɨ̧ɨ̧ vi nùà tè ntsèà, ko maa ŋa àbəꞋa èghɨjɨ ndò̧ Mbɔ̧ɔ̧mà abua tò, e mě ŋa atò èti kèfə, bɔ shɨ èlen fi adù̧, kà wòt tsa ko lùà, kà wu wòt wu mâ ŋa èlen mbɔŋ abua tò la.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

Jimsì 1:2

Bɔnyɨ bɔ̧, ngoꞋtsə te kwene ane yɨ̧, ka te màà ngu wuê nà leꞋ, bɨ wùꞋtè àwɨ̧,

ÀfaꞋa 3:8

Tà kȩ ndɔ̀Ꞌ ntɨ̧ àtatsi, mbùꞋ me ghȩ̀ȩ̀ne. Bɔ̂ tò ba e gha a èbem lob nɨ̧ Mbɔ̧ɔ̧mà a Jèlusalèm, tà me ghȩ̀ȩ̀ne nkȩta nguꞋta a Mbɔ̧ɔ̧mà.

Ebùlù 11:26

Tà li nko nê ye tseka ane ngɨ̧̀ɨ̧̀nè nkàà ànəa Yesò Klistò, ko aa taꞋa bɔ̀ te ntsě ndɨ yea bɔ èghɨ ntsɔ̧̀ ègème a Ejìb la. Tà li ngɨ̀ anè nkàà nê èntɨ̧ɨ̧ tò e li ngu wuê ane àbȩ̀ yu tàa li lɔ̀Ꞌɔ ebɔ la.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

2 Tɔ̀màtià 2:12

Nkùùla mèntɨ̧ɨ̧ ma, ko ba tò ba aa li me baãaã mènəè mbɨ̀Ꞌɨ̀ bèfɔ̧̀ mɨ̧̂. Ba tu̧u̧ atò, ko taa tu̧ awa mɨ̧̂.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

ÀfaꞋa 14:10

mbɔ̂ ŋȩ nê, “LɔꞋɔ ntɨ̧ àtatsi.” Mbê wu bê nkȩ ndɔ̀Ꞌ a si me ghȩ̀ȩ̀ne.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Lûk 1:44

À bê ntsàꞋtè am ale waã wu a èbem èlaã la ŋùꞋ ane mèngùꞋte.

Lûk 1:41

Èlisabèt zə ndɨ Màlià tsàꞋte àvi la ale, waã wu a èbem tò la ghȩ̀ȩ̀nè. Fo Kèfə kɨꞋɨ adù̧ tò.