Lûk 6:13 - Mundani

¹³ ÈtsəꞋ è tsi ale, tà tɔ bɔkatè bi, ndàà bòt ntsɔ̀b babe me tɔ awɔb ane bɔntu̧ bi.

Lûk 6:13 Referans Kwoze

Ètsə 21:14

Bɔ bɔ̧ àkaã yu bɔ nɨŋ ngààle àpfəèa mbɔŋ la a ègwet àti àtetsialob ntsɔ̀b yeabe, è shɨ tèlente bòt bu ntsɔ̀b babe, bɔ li ngu bɔntu̧ Wanjɨ̀ la adù̧.

Efesɔ̀s 4:11

Wu tòà tà li ŋà mèghàb abua bòt la. Tà li ngɨ̀ bòt ko ane bɔntu̧ Yesò, ngɨ̀ èbeko ane bèndàꞋàtɔŋ Mbɔ̧ɔ̧mà, ngɨ̀ èbeko ane bòt bɔ̀ɔ ntsɔ̀tà Ntu̧ Ntsɔ̧̀ Yesò la, ngɨ̀ èbeko ane bèmbaabà bòt Mbɔ̧ɔ̧mà, nè bènyɨꞋta èngǎ̧ Mbɔ̧ɔ̧mà.

Ntu̧ Ntsɔ̧̀ MAK 6:30

Bɔntu̧ Yesò bu e li nkua a lèghȩ̀ȩ̀nè wu nkwene ane tò, shua tò àghɨ àgème bɔ ghɨ̂ mè nyɨ̀Ꞌte la.

Ntu̧ Ntsɔ̧̀ MAK 6:7

Tà li ntɔ bɔkatè bi bu ntsɔ̀b babe la, ntsàà àwɔb àbȩ babe babe. Me tsà àwɔb ale, ŋa wɔb àtɔŋ bɔɔ me nɨa fəèà fote kàbɔ̀ŋ ane bòt la.

Matìù 9:36

Tà ghɨ̀ tà ye ènɔ̧̂ bòt, tà kù tèsȩ tɔb nkàà nê, mènəè li ntsè àwɔb, bɔ sàŋè mbɨ̀Ꞌɨ̀ njɨ̀te kà ye a mbaabà.

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”

Ètsə 12:1

Àghɨa ko à ghe la a pùùlà a ègwelebuule. Àvi kǒ wu abot, àtaãnyèm a buule atò, tà tɨ̧ɨ̧ a ègwet èŋu, kwaãaã ntà̧ kèfɔ̧̀ bɔ ghɨ ane těnto̧tsə ntsɔ̀b tebe la.

2 Pità 3:2

E nkɨa bɨa ku̧u̧te mèngà̧ mu ngule bèndàꞋàtɔŋ Mbɔ̧ɔ̧mà e li ndàꞋ àfɨꞋa mbì la, nè ànəa Lefɨ̀Ꞌ Mpemnà wa li ngɨ̀ bɔntu̧ tò elàꞋ la.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Efesɔ̀s 2:20

Bɨ wu àyɨ̧ bòt ko ane lob yu bɔntu̧ Mbɔ̧ɔ̧mà nè bèndàꞋàtɔŋ Mbɔ̧ɔ̧mà è wu àtetsi, Yesò Klistò zìambɔŋ wu èti tɔ̀Ꞌɔ̀ lob la.

ÀfaꞋa 1:13

Bɔ ghà ale nkɔꞋ nga àtsəa lob a ègwet yu bɔɔ wua ndìa a èbèm la. Bɔntu̧ baa li ngu Pità, bɔ̂ Jɔ̌n, nè Jimsì nè Andùlù, nè Filìb bɔ̂ Tɔmasì, nè Bàtòlomiò nè Màtìù ndɔ̀Ꞌ nè, Jimsì waã Alfeɔ̀, bɔ̂ Simùn wu tà li ntàꞋa wua nùà mènəè àlaꞋ la, nè Judàs waã Jimsì.

Lûk 22:30

Bɨa li jɨ e mě nu ne nà̧ àfɨꞋa màa li tseke a ègwet àtɨ̧ kèfɔ̧̀ am la. ÀfɨꞋa mbɔŋ bɨa tsekte a ègwet ètɨ̧ nɨ̧, ka me saꞋa lətelob bòt Izəèlȩê tu èghem ntsɔ̀b tebe la.”

Lûk 11:49

Eyaa wu lə Mbɔ̧ɔ̧mà li nɨ̌ èyǐ vi nê, ‘Maa tsàà bèndàꞋàtɔŋ bɔ̧ nè bɔntu̧ bɔ̧ abua yɔb, bɔɔ bùŋe àbəèꞋ àyɔb, è mee ghɨ̧̀ɨ̧̀ne àbəèꞋ la’.

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Matìù 10:2

Tèlente bɔntu̧ bu ntsɔ̀b babe la wu: Simùn wu èlen tò ko li ngu Pità la, bɔ̂ wanyɨ vi Andùlù, Jimsì waã Zebèdiì bɔ̂ wanyɨ vi Jɔ̌n,

Lûk 6:14

Simùn wu Yesò li ngua ntɔ nê Pità la bɔ̂ wanyɨ vi Andùlù, Jimsì bɔ̂ Jɔ̌n, Filìb bɔ̂ Bàtòlomiò,

Jɔ̌n 4:33

Bɔkatè tò e me màkè a kètsìà wɔb nê kò wòt kǒ enɨ èghɨjɨ nkɨ̀Ꞌɨ̂ ŋǎ abua tò leꞋ.