Lûk 5:30 - Mundani

³⁰ Bèfalèsiì nè bènyɨꞋtà mbɨ̧te Musì bɔb e biite bɔkatè Yesò nê, “Ghǎ ghɨ̂ ka bɨ me jɨ mè nua bɨ bènɨa èkab taksì nè bòt kàbɔ̀ŋ à?”

Lûk 5:30 Referans Kwoze

ÀfaꞋa 23:9

Àŋȩte yu a me kɔꞋɔ ngà wuê nè ègwet, tè bènyɨꞋtà mbɨ̧te Musì ko bɔ̀ le wu akwene Bèfalèsiì bu la, e lɔ̀Ꞌɔ a si me ŋȩa ntù̧a àyɔb mɨ̧̂, shua nê, “Ba bakà ye ànəa kàbɔ̀ŋ ako mbê waa è ghɨ̀ la. Ateko wantu̧ Mbɔ̧ɔ̧mà kǒ, kò wuê fo kǒ leꞋ, è làꞋa abua tò ane nkûŋ.”

Lûk 19:7

Bòt bu bàgème bɔ wu abot la, bɔ bùꞋ me lèmte shùa nê, “Tà gha eli a lob wòt mènəè kàbɔ̀ŋ?”

Lûk 5:21

BènyɨꞋtà mbɨ̧te Musì nè Bèfalèsiì e bùꞋ me biite nê, “Wòt waa fɨ̀Ꞌnà àvi ane Mbɔ̧ɔ̧mà la wu wàà? Wàa tsa nàa ngwàꞋa kàbɔ̀ŋ ka nè Mbɔ̧ɔ̧mà à?”

Lûk 5:17

È li ngu ane àli ako Yesò me nyɨꞋte èngǎ̧ Mbɔ̧ɔ̧mà, Bèfalèsiì bɔ̂ bènyɨꞋtà mbɨ̧te Musì, bɔ dzə a tèpfəte àlaꞋ Galìlî nè Jùdià bɔ̂ Jèlusalèm la e wu abot; mètàŋ Mbɔ̧ɔ̧mà wu ane Yesò tà nɨ̀a mbəa bòt àghɔ̧.

Ntu̧ Ntsɔ̧̀ MAK 7:3

(Bèfalèsiì nè Bèjuê bàgème aà ngɨ̀à mènəè mɔb wuê mbɨ̀Ꞌɨ̀ bètǎt nyaꞋ bɔb è le sa abua yɔb la. Bɔ̀ɔ kà jɨ èghɨjɨ kà shuu èbu a èlɨ̀ wɔb mbɔŋ.

Lûk 18:11

Wòt Falèsiì wu lɔ̀Ꞌɔ a si ntɨ̧ɨ̧ a mbì ntsàꞋtè a èntɨ̧ɨ̧ vi nê, ‘Tǎt wa Mbɔ̧ɔ̧mà leꞋ, mâ taꞋa kɔ̀ŋkè àwê na màa ka ghɨ èghoꞋ, mènəè mɔ̧ ka toŋke mbɨ̀Ꞌɨ̀ me bòt ko, è nka mèe ngua njɨ̀a àbȩ la. Mâ kɔ̀ŋkè àwê na à ghɨ̂ è nka wu mbɨ̀Ꞌɨ̀ fetà èkab taksì via la.

Lûk 7:39

Wòt Falèsiì wu ye, ndèmtè nê, “Mbê waa ghɨ̀ ale, ngu ngule ndàꞋàtɔŋ Mbɔ̧ɔ̧mà, mbə tà ko àghɨa àvi waa mbà̧à̧ta tò la wu yùà la. Ko tà ko èwuu kàbɔ̀ŋ tàa ngɨ̀à la.”

Lûk 7:34

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ!’

Matìù 5:46

Bɨ me kɔ̀ŋkè wuê bòt bu bɔ̀ɔ nkɔ̀ŋkà àwɨ̧ la, ko àbȩ̀ yɨ̧ wu ghà à? Ka wuê bòt bu bɔ̀ɔ nɨ̀a èkab taksì la a ngɨ̀à wuê a èlɨ mbɔŋ à?

Matìù 9:11

Mbɨ̀Ꞌɨ̀ Bèfalèsiì e ye ndɨ tà jɨa èghɨjɨ bɔ̂ bòt baa la, bɔ biitè bɔkatè tò nê, “NyɨꞋtà wɨ̧ è ghɨ̀ na ka me jɨ bɔ̂ bòt bɔ̀ɔ nɨa mèkab taksì la, nè bòt kàbɔ̀ŋ ko à?”

Ntu̧ Ntsɔ̧̀ MAK 2:16

BènyɨꞋtà mbɨ̧te Musì ko è wu Bèfalèsiì la e ye ndɨ tà fɔta èghɨjɨ bɔ̂ bènɨa èkab taksì nè bòt kàbɔ̀ŋ la, mbììtè bɔkatè Yesò bu nê, “Tà ghɨ̀ na ka me fɔte èghɨjɨ bɔ̂ èwuu bòt ba à?”

Ntu̧ Ntsɔ̧̀ MAK 9:16

Yesò bììte bɔkatè bi nê, “Bɨ bòt baa è kààna ka ànəa à?”