Lûk 5:10 - Mundani

¹⁰ Jimsì bɔ̂ Jɔ̌n bɔ̧ Zebèdiì, bɔ̂ tò ba e li ngùa fàꞋà nɔ̂ la. Yesò shu abua Simùn nê, “À ka mbɔ̀ɔ̂, e bùꞋu àfɨ̀Ꞌ yaa, à ka tsi buꞋu basə a. Aa tsiꞋi me kɨ bɔbȩ nɨa nkɨ̀Ꞌa abua am.”

Lûk 5:10 Referans Kwoze

Matìù 13:47

“Kèfɔ̧̀ Mbɔ̧ɔ̧mà mè ngu mbɨ̀Ꞌɨ̀ ànəa bòt bɔ maꞋa tasat a èbem *èdzî nɨa mbà̧ tèwuute basə tègème la.

Matìù 4:19

Tà shu abua yɔb nê, “Bɨ̀ nkùŋè am. Maa ghɨ̌ bɨ̀a tsiꞋi me kɨ bɔbȩ nɨa nkɨ̀Ꞌa abua am.”

Ntu̧ Ntsɔ̧̀ MAK 1:17

Yesò shu abua yɔb nê, “Bɨ̀ nkùŋè am. Maa ghɨ̌ bɨa tsiꞋi me kɨ bɔbȩ nɨa nkɨ̀Ꞌa abua am.”

Lûk 5:7

Ale, bɔ mɨ̀Ꞌ àbu ntɔ bèshu̧ bɔb a èbem ànkànuꞋ ako yu nê, bɔ̀ kɨꞋɨ ntɨ̀ŋe awɔb. Bɔ kɨꞋɨ̀, bɔ̂ tò ba e lu̧u̧ne ènkànuꞋ bu nè basə, tè ènkànuꞋ mbɔŋ e tsiꞋa nkɨ emela a èbem mèleb.

2 Kɔlìn 8:23

È me wua Tȩtɔ̀s ko tà wu wòt ba tò àa fàꞋà nɔ̂ a màntɨŋa wɨ̧ la. È me wu bɔnyɨ ba ko bu nkɨ̀Ꞌa bɔ̂ tò ba la ko wu bòt bèchɔsì e tsàà la. ÀfàꞋ àyɔb aà ndɔ̀kà èlen Yesò Klistò ntsaa a ègwet.

ÀfaꞋa 2:4

AfɨꞋa mbɔŋ Fo Kèfə nyi a mèntɨ̧ɨ̧ mɔb tè waa waa tsiꞋi me làꞋà ane ndɨ̧te èlaꞋ tsa tsa, mbɨ̀Ꞌɨ̀ Fo Kèfə è ŋa wɔb mètàŋ la.

Lûk 6:14

Simùn wu Yesò li ngua ntɔ nê Pità la bɔ̂ wanyɨ vi Andùlù, Jimsì bɔ̂ Jɔ̌n, Filìb bɔ̂ Bàtòlomiò,

Matìù 20:20

ÀfɨꞋa mbɔŋ nyɨ̌ bɔmbâ̧ Zebèdiì bu babe la kɨꞋɨ abua Yesò, ŋɔꞋne a si a mbì tò nê tà ghɨ̀ àghɨa ko abua zi.

Matìù 14:27

Ka Yesò shu abua yɔb kwàꞋ àfɨꞋa mbɔŋ nê “Bɨ̀ baãaã mèntɨ̧ɨ̧ mɨ̧! Wu mmɔ̌, bɨ̀ ka mbɔ̀a.”

Matìù 4:21

Tà lɔꞋɔ abot me ghà ne mbì, mè ndze wòt kǒ bɔ̂ wanyɨ vi, Jimsì waã Zebèdiì bɔ̂ wanyɨ vi Jɔ̌n. Bɔ li ngu a èbem ànkànuꞋ nè tǎt wɔb Zebèdiì, nèètà bètasat bɔb. Yesò tɔ awɔb,

Lûk 5:9

Tàà shua èlɨ̀ wu ale ngu ndɨ ànəa taꞋà basə bu bɔ baãaã la a taꞋa tsè àwɔb bɔ̂ bèshu̧ bi,

Jɔ̌n 21:2

Bɔkatè tò ko e li ngu abot bɔ bù̧ù̧tè la. Bèŋût li ngu Simùn wu èlen tò ko wu Pità la, bɔ̂ Tɔmasì wu bɔ̀ɔ ntɔ ane wabenyì la, nè Nàtanìà wu tà dzəa Kanà a èbem àlaꞋ a Galìlî la, bɔ̂ bɔ̧ Zebèdiì, ndɔ̀Ꞌ nè bɔkatè Yesò ko babe.

2 Tɔ̀màtià 2:26

A wu ale, ko ateko mèyǐ mɔb naa mě ekua tê bɔɔ dzəâ a èbem àtaã Satàn yu a li mbà̧à̧ àwɔb bɔ tsiꞋa nkùŋà mènəè tò la.