Lûk 4:8 - Mundani

⁸ Yesò bɨ̀ɨ̀lè nê, “Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzəa wuê atò la’.”

Lûk 4:8 Referans Kwoze

Matìù 4:10

Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 22:9

tà shu abua am nê, “Ka ngɨ̀ ale. E ngu wafàꞋ wuê mbɨ̀Ꞌɨ̀ àwɔ̀ nè bɔnyɨ bè bu è wù bèndàꞋàtɔŋ la, mè nè bòt bu bàgème bɔ̀ɔ ngɨ̀à àghɨa bɔ shɨ a èbem àkatè yaa la. WùꞋte wuê a Mbɔ̧ɔ̧mà.”

Jimsì 4:7

È wu ale, bɨ zì àwɨ̧ a èten Mbɔ̧ɔ̧mà. Bɨ̀ teme kwèn tɨ̧ ŋǎ abua Satàn, ko taa lùùlà àwɨ̧.

Lûk 4:4

Yesò tsɔꞋ nê, “Àkata Mbɔ̧ɔ̧mà a laꞋnê, ‘Wɔ̀bȩ̂ nàà kà pem nkàà wuê èghɨjɨ bùà bùà.’ ”

1 Pità 5:9

Bɨ̀ teme kwen tɨ̧ ŋǎ abua tò, ndzì mèntɨ̧ɨ̧ mɨ̧ wuê ane Mbɔ̧ɔ̧mà me kweele, ngu nê bɔnyɨ bɨ̧ a èdzìꞋ ègème a ngɔ̀ŋ ŋaa aà ndzea èwuu ngoꞋ mbɔŋ mɨ̧̂.

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Lûk 4:7

À ŋɔ̀Ꞌne a si a mbì laã, ko èghɨ mbɔŋ ègème aa tsiꞋi bê.”