41 Fote kàbɔ̀ŋ te sà bòt nyaŋ mɨ̧̂, me ŋȩa shua nê, “À wu Waã Mbɔ̧ɔ̧mà.” Yesò ŋȩ àwɔb, tà kà bɨ̧ɨ̧nè nê tè laꞋa, nkàà nê te ko nê, tà wu Fɔ̧̀ wu Mbɔ̧ɔ̧mà li ndzɔꞋ etsàà a sitsǎꞋ la.
Yesò bəâ bòt tèwuute èghɔ̧ nyaŋ, mè fəè fote kàbɔ̀ŋ nyaŋ ane èbeko. Tà kà bɨ̧ɨ̧nè fote kàbɔ̀ŋ tu te làꞋ, nkàà nê te ko wòt tà wu wùà la.
Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.
Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.
Àfɨ̀Ꞌ àgème bòt bu fote kàbɔ̀ŋ tèa ane yɔb la e ye atò la, bɔ kwene a si a mbì tò ŋȩ nê “À wu Waã Mbɔ̧ɔ̧mà!”
Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”
Ka Yesò kà lâꞋ. Àtsəa bèntsìà mèpɨ̧̀ yu a shu abua tò nê, “Zi nkà̧ ane èlen Mbɔ̧ɔ̧mà yû̧. À wu Fɔ̧̀ wu Mbɔ̧ɔ̧mà yɔꞋ ntsà, tà wù Waã Mbɔ̧ɔ̧mà la, à shu awa.”
Bòt mbɔŋ e bê ŋȩ nê, “Waã Mbɔ̧ɔ̧mà, à kɨ e ghɨ̀ na ane ya à? À kɨ zi àlɔꞋ ane ya ka àlia yu aa kùꞋuê?”
Yesò bê shu abua fo kàbɔ̀ŋ yu nê, “Kabte ètsəê wê! Sǎ a mbê waa!”
Yesò bɔ̂ shu abua tò nê, “Ko mbɨ̀Ꞌɨ̀ à shu wòt àghɨa a ghɨ̀ la, ka ghǎ nyɨ̀Ꞌte awê abua ntsìà mèpɨ̧̀ Mbɔ̧ɔ̧mà. À me ghǎ à nɨ èghɨ àa nɨ kɔ̀ŋke a Mbɔ̧ɔ̧mà mbɨ̀Ꞌɨ̀ Musì li shu la, enɨ ghɨ̌ waa waa naa ko nê à pem.”
Nyèm è fen, bɔ nɨ bòt nyaŋ fote kàbɔ̀ŋ tèa ane yɔb la, nkɨ̀Ꞌɨ̂ tà làꞋ èngà̧ nɨŋ fəè fote kàbɔ̀ŋ tu, mè mbəâ bòt bàgème bɔ̀ɔ ngò̧ò̧nà la.
ÀfɨꞋa nyèm èbàꞋà tê ndzěm bùꞋ me fene la, bòt e nɨ bòt àghɔ̧, nè bòt fote kàbɔ̀ŋ tèa ŋǎ wɔb ngoꞋ la nɨŋ nkɨ̀Ꞌɨ̂ Yesò naa bə a wɔb.
Tà tɨ̧ɨ̧ a ngèt àvi wu ŋȩa sɔ̧̀ɔ̧̀nà wu, è sà atò. Tà bê nkȩ a si ndɔ̀Ꞌ me taŋke awɔb.