Lûk 4:25 - Mundani

^25-26 Bɨ̀ yute èngǎ̧ am, è li ngu àfɨꞋa Èlȩjà, ndàꞋàtɔŋ nyaꞋ Mbɔ̧ɔ̧mà, mbɨ̀ŋ tsèke kà lu àlaꞋ a Izəèlȩê ane èngùꞋebȩ yetat nè àtěm, ndaŋe èchɨɨ è nyi àlaꞋ və àgème. AfɨꞋa mbɔŋ bènempfə è taꞋa wu abàꞋ və. Ka tsiꞋ è shu awɨ̧ ane nkûŋ nê, Mbɔ̧ɔ̧mà li ntù̧u̧ Èlȩjà nê tà gha ntɨ̀ŋe wuê wòt wemɔ̀Ꞌ, kà wu wòt Izəèlȩê. Nempfə mbɔŋ li ngu wòt Zalefàt a èbem èpfəè àlaꞋ Sidɔ̀n.

Lûk 4:25 Referans Kwoze

Jimsì 5:17

Èlȩjà li ngu wɔ̀bȩ̂ wuê mbɨ̀Ꞌɨ̀ bàa. Tà li ndâ ntsàꞋta Mbɔ̧ɔ̧mà nè èntɨ̧ɨ̧ vi wemɔꞋ nê mbɨ̀ŋ ka ndu, èngùꞋebȩ yetat nè àbà e me tsě, kètabe mbɨ̀ŋ kè ka chɨ̧ a si.

Matìù 20:15

Tè e mbakà bɔ mètàŋ e nɨ èkab am e ghɨ̀ àghɨa mâ kɔ̀ŋkè la à? Mâ ghaꞋa àbu am abua bòt baa ale, a ghɨ̀ na ka me saa àwê à?’ ”

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Lûm 9:20

Àwɔ̀ wɔ̀bȩ̂ àa shua anè nko nê yè wu wàa evəèəè èngà̧ a ètsəê Mbɔ̧ɔ̧mà à? Tè betsiꞋa àghɨa wòt ghɨ̀ ane èbu la a shu abua tò wu tà ghɨ̀ la nê, “À ghɨ̀ na ka ngɨ̀ am anè à?”

Lûm 9:15

Tà li shu abua Musì nê, “Maa tɨŋe wòt tà ghɨ̂ tà kà wu bɔ etɨŋe la, mbɨ̀Ꞌɨ̀ mâ kɔ̀ŋkè la, e mě ku tèsȩte wòt mâ kɔ̀ŋkè la.”

Ètsə 11:6

Bɔ bɔ mètàŋ e kele mbɨ̀ŋ a ègwelebuule, tè naa baka chu ane èli bu bɔ̀ɔ ndàꞋà èngǎ̧ Mbɔ̧ɔ̧mà la. Bɔ mè mbɔ̀ mètàŋ ndɨ betsiꞋa bɔ gheble mèleb è tsìꞋi àlo̧ la, mè mbɔ̀ mètàŋ a màntsaa ngoꞋtsə tsa tsa a sitsǎꞋ, mbɨ̀Ꞌɨ̀ bɔ kɔ̀ŋkè la.