Lûk 3:13 - Mundani

¹³ Tà shu abua yɔb nê, “Ko mbɨ̀Ꞌɨ̀ bɨ̀ nɨ èkab e tsè ndɨ bɔ shu awɨ̧ la.”

Lûk 3:13 Referans Kwoze

1 Kɔlìn 6:10

Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.

Lûk 19:8

Zàkià lɔꞋ a si nê, Lefɨ̀Ꞌ, yute ànəê ya e kɨ eshu la. “Maa ŋa àbâ èghɨ bɔ̧ abua bòt ntseb, ebɔ evəèə ètsəkab ègème mâ nəêꞋ nɨ abua wòt la ngò̧ tekwì.”

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

Matìù 7:12

Ale, àghɨa àa nkɨà nê bòt è ghɨ̌ abua yê la, ghɨ̌ abua yɔb mɨ̧̂, nkàà nê eyaa wu àghɨa mbɨ̧te Musì nè bèndàꞋàtɔŋ Mbɔ̧ɔ̧mà e shuà la.

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Lûk 3:12

Tà shu ale, bèfetà èkab taksì èko bɔ kɨꞋɨ̀ bɔɔ zì àwɔb a èdzî la, e biite a Jɔ̌n wu nê, “Tê, bàa ghɨ̀ naà?”

Lûk 3:14

Bèshujà ko e biite atò nê, “È me wu awa lu̧à? Bàa ghɨ̀ naà?” Tà shu abua yɔb nê, “Ko mbɨ̀Ꞌɨ̀ bɨ̀ ŋwèèlè wòt ndzì mèfà̧ àtsə atò, mbɨ̀Ꞌɨ̀ efàa èkab abua tò. Bɨ̀ yele èkab àfàꞋ yɨ̧.”