Biblia Todo Logo
Bib sou entènèt

- Piblisite -




Lûk 21:34 - Mundani

34 Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la

Gade chapit la Kopi




Lûk 21:34
37 Referans Kwoze  

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.


Bɨ̀a mbɔŋ bɨ̀ ye nê bɨ taŋke awɨ̧ ntsɔ̧̀, nkàà nê Waã Wòt naa kɨꞋɨ àfɨꞋa kà bɨ ko nê tàà nkɨ̀Ꞌâ.”


Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.


Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.


È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.


mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.


Ka e ndi ngua shɨa nê bɨ̀ ka mbɔ̀ àghɨa ko a màngɨa ne wòt tàa shua nê ye wu wanyɨ wa mbɔ̀ mbèla njɨ̀a ngò̧ò̧tètsə, kò ngɨa aghàbà, nkùkta bènàmbəa, njɨ̀a mènaŋ, nua mèlùꞋ mbea, kò ntsɔa la leꞋ. À ka mbê njɨ̀ àghɨ bɨ èwuu bòt mbɔŋ.


Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.


Yesò shu abua yɔb nê, “Bɨ̀ me ko awɨ̧ mbɨ̀Ꞌɨ̀ wòt fɨte awɨ̧, na bòt aa li taꞋa kɨꞋɨ ane èlen laã e me shu nê, ‘E ngu tòà’, e mě laꞋnê ‘Àfɨ̀Ꞌ a kuêꞋ’ la. Ka bɨ̀ ka nkùŋè àwɔb.


Ko mbɨ̀Ꞌɨ̀ èntɨ̧ɨ̧ wòt e bentè ane ànəa ko. Ka bɨ̀ me tsàꞋte a Mbɔ̧ɔ̧mà àfɨ̀Ꞌ àgème, ŋǎ mènkɔ̀ŋke abua tò mè ndò̧a àghɨ àgème bɨ̀a nkɨ̀a la abua to.


Bɨ̀ me ko awɨ̧ ndɨ bɨ̀a ntsèka la. “Wanyɨ wè fà̧ ànəê abua yê, à ŋȩte atò, tà kubte mènəè kàbɔ̀ŋ mi, à waꞋa a kàbɔ̀ŋ tò.


Yesò tɔ atò nê, “Màta, Màta leꞋ, aà ŋǎ awê ngoꞋ ane èghɨ nyaŋ.


Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa, ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngà̧ wu e ka tsi nyî te e ghɨ̀ àghɨa e wu ghɨ̀ la.


“Bɨ bɔ ndɨ bɨ̀a nɨ àfɨ̀Ꞌ à yɨ̧ ntsɔ̧̀ la. Bɔɔ li baãaã awɨ̧ e ghǎ saꞋa, e lɔ̀Ꞌɔ shu̧u̧ awɨ̧ a èbem lobte Mbɔ̧ɔ̧mà. Bɨa li tɨ̧ɨ̧ a mbì bèfɔ̧̀ nè bɔɔjuŋ àlaꞋ ambo yaã, e tsɔ̀tè Ntu̧ Ntsɔ̧̀ yu abua yɔb.


Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.


Ka àli yu Tè Yesò Klistò nàa kɨꞋɨ la, aa li kɨꞋɨ kà wòt koê, wuê mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la. Naa li ngu ane àlia mbɔŋ ègwet e jùꞋ ane ètɨ̧̂ nyɔ̂, àghɨ àgème àa ègwet və la, a ghɔ̀Ꞌ ndzàne, sitsǎꞋ nè àghɨa àgème àa adù̧ la è ghɔ̀Ꞌ nyɔ̂ mɨ̧̂.


nkàà nê, àlia ngaa aa li kɨꞋɨ kwene ane bòt bàgème bɔ̀ wu a sitsǎꞋ ŋàa la.


Swiv nou:

Piblisite


Piblisite