Lûk 21:28 - Mundani

²⁸ AfɨꞋa mènəè maa bùꞋ te me ghɨ̀ la, bɨ lɔꞋte a si ndɔ̀kè ètsə bɨ̧ a ègwet, nkàà nê wu àfɨꞋa Mbɔ̧ɔ̧mà tsiꞋa nkɨ echùꞋù ètsə bɨ̧ etsì àwɨ̧ a èbem ngoꞋ la.”

Lûk 21:28 Referans Kwoze

Lûm 8:23

È ntsě wuê ndàꞋà èghɨ bu tà li ngɨ̀ la ka àa ngèꞋà la, bàa wu Mbɔ̧ɔ̧mà ŋa Fo zi abua ya mbɨ̀Ꞌɨ̀ àghɨa mbì ane èghɨ bu tà nɔ̀ŋe abua bòt bi la, aà ngèꞋà a mèntɨ̧ɨ̧ ma mɨ̧̂. Baà ngɨ̀à ale mbɨ̀Ꞌɨ̀ bàa nchɨ̀Ꞌɨ̀ àfɨ̀Ꞌ yu Mbɔ̧ɔ̧mà nàa ghɨ̌ ba tsiꞋi ngule bɔ̧ tò, elùùla ngoꞋ yu àdziꞋ yaa la, e ghɨ̌ mbɨ̧te ènyit ta tea peme la.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

Lûk 18:7

Tè a wu anè ko bɨ mɨɨtè nê betsiꞋa Mbɔ̧ɔ̧mà kà laŋkè mènəè bòt bi bu tà làà wɔb bɔ̀ɔ ndɨ̀à mènəè mɔb abua tò àli àgème la à?”

Efesɔ̀s 1:14

Fo tò yaa wu àghɨa mbì tà nɨŋ nyɨ̀Ꞌte nê baa li bɔ èghɨ bu ye kàꞋà wa la. Baa li bɔ èghɨ bàa ane àli yu Mbɔ̧ɔ̧mà nàa li ghɨ̌ bàa wu bà wu bòt tò la aa peme la. Èghɨ baa tà ghɨ̀ la aa ghɨ̌ bòt aa me wùꞋtè ènɨ̧ tò.

Lûk 13:11

Àvi kǒ wuê abot fo kàbɔ̀ŋ ghɨ̂ tà ghɔ̧̀ɔ̧̀nè ane èngùꞋebȩ èghem ntsɔ̀b yefà̧aã la. Tà ko nê, ye ŋɔꞋɔ tè mèndɔ̀Ꞌɔ ka tsi nguê.

Lûk 21:29

Yesò shu èngà̧teme wàa nê, “Bɨ̀ lɨ̀ŋke àyɨt a fik bɔ̂ èbeko nè èyɨt ndze.