Lûk 2:10 - Mundani

¹⁰ Wantu̧ wu shu abua yɔb nê, “Bɨ̀ ka mbɔ̀ɔ̂. Ye am àdzìꞋ yaa, mâ nɨ Ntu̧ Ntsɔ̧̀ nɨŋ nkɨ̀Ꞌɨ̂ eŋa abua yɨ̧, nàa li nɨ mèngùꞋte enɨ kɨꞋɨ ŋa abua bòt bàgème a èbem àlaꞋ a Izəèlȩê la.

Lûk 2:10 Referans Kwoze

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Matìù 14:27

Ka Yesò shu abua yɔb kwàꞋ àfɨꞋa mbɔŋ nê “Bɨ̀ baãaã mèntɨ̧ɨ̧ mɨ̧! Wu mmɔ̌, bɨ̀ ka mbɔ̀a.”

Lûk 1:30

Wantu̧ wu shu abua tò nê, “Màlià, à ka mbɔ̀ɔ̂, à wu àvi èsi ntsɔ̧̀ e mbì Mbɔ̧ɔ̧mà.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

ÀfaꞋa 13:32

“Ba wu a si ŋàa e tsɔ̀te Ntu̧ Ntsɔ̧̀ e laꞋ ànəê yu Mbɔ̧ɔ̧mà li shu abua bètǎt nyaꞋ ba nê yea ghɨ̀ la.

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Lûk 8:1

Àfɨ̀Ꞌ a li ntsèke tè me wu, Yesò me ghȩ̀ȩ̀na ntsea a èpfəè nɨ̧ nè èbe techɨɨle ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà. Bɔkatè tò bu ntsɔ̀b babe la e wu bɔ̂ tò ba nɔ̂,

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Lûk 1:19

Wantu̧ Mbɔ̧ɔ̧mà wu nê, “E ngu Ngableyà wu tàa ntɨ̧̀ɨ̧̀ a mbì Mbɔ̧ɔ̧mà la. Wu tòà zìambɔŋ ka tà tu̧u̧ am nê è nkɨꞋɨ ndàꞋà abua yê mè shù awê Ntu̧ Ntsɔ̧̀ yaa la.

Lûk 1:13

Ka wantu̧ wu shu abua tò nê, “Zàkàleyà, à ka mbɔ̀ɔ̂, Mbɔ̧ɔ̧mà zə àtsàꞋtè àyê. Vi wè Èlisabèt bèle bi wambâ̧ abua yê, aa tsì èlen tò ane Jɔ̌n.”

Ntu̧ Ntsɔ̧̀ MAK 1:15

shua nê “Ngule àfɨ̀Ꞌ yu a kùꞋ. Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧. Bɨ̀ waꞋa mènəè kàbɔ̀ŋ mɨ̧, mbɨ̧̀ɨ̧̀ne Ntu̧ Ntsɔ̧̀.”

Lûm 10:15

Wòt nàa mě tsɔ̀te èngǎ̧ Mbɔ̧ɔ̧mà na kà bɔ tu̧u̧ atò à? A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Wu kwàꞋ ànəa ntsɔ̧̀ e ye bòt bu bɔ̀ɔ nɨa Ntu̧ Ntsɔ̧̀ nkɨ̀Ꞌa la.”

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Matìù 28:5

Wantu̧ Mbɔ̧ɔ̧mà wu shu abua bèzi bu nê, “Bɨ̀ ka mbɔ̀a, mâ ko nê bɨ wua nkɨà Yesò wu bɔ li ngù̧ù̧te atò a mbɨ̧̀ mbasa la.

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.