Lûk 19:17 - Mundani

¹⁷ “Ŋut wu shu abua wafàꞋ ngaa nê, ‘À ghɨ ntsɔ̧̀, à wu wafàꞋ ntsɔ̧̀! Ndɨ̀ wu à baãaãte àdziꞋ èkab wàa ntsɔ̧̀ la, maa tsia awê àtsəa èpfəè nɨ̧ èghem.’

Lûk 19:17 Referans Kwoze

Lûk 16:10

“Wòt mènəè tò è tɨ̧ɨ̧ ndɨŋndɨ̀ŋ ane mènəè tèchɨɨle la, wu ndɨ mènəè tò nàa tɨ̧ɨ̧ ndɨŋndɨ̀ŋ ane mènəè nɨ̧ la. Wòt mènəè tò e toŋke ane mènəè tèchɨɨle la, wu ndɨ mènəè tò nàa toŋke ane mènəè nɨ̧ la.

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

1 Pità 5:4

Bɨ me ghɨ̀ ale, ko naa li ngu àfɨꞋa Yesò Klistò wu tà wù àtsəa bèmbaabà njɨ̀ la è kɨꞋɨ la, tà tsɔ̀Ꞌɔ àfàꞋ àyɨ̧ nè ènɨ̧ vi wu kà wu li elìa la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

Lûk 22:30

Bɨa li jɨ e mě nu ne nà̧ àfɨꞋa màa li tseke a ègwet àtɨ̧ kèfɔ̧̀ am la. ÀfɨꞋa mbɔŋ bɨa tsekte a ègwet ètɨ̧ nɨ̧, ka me saꞋa lətelob bòt Izəèlȩê tu èghem ntsɔ̀b tebe la.”

Lûk 19:16

“WafàꞋ mbì kɔꞋ nê, ‘Tê, mâ bɔ tèfəꞋte èkab nɨ̧ èghem ane àbȩ̀ èfəꞋ lu lemɔꞋ, à li ŋa abua am la.’

Lûk 19:18

“WafàꞋ kǒ lɔ̀Ꞌɔ a si shu abua tò nê, ‘Tê, mâ bɔ tèfəꞋte èkab nɨ̧ tetà̧â̧ ane àbȩ̀ lu à li ŋǎ abua am la.’