Lûk 18:13 - Mundani

¹³ “È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”

Lûk 18:13 Referans Kwoze

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

Lûk 23:48

Bòt bu bɔ ghɨ̂ mbù̧ù̧tè abot la, e ye àghɨa a ghɨ̀ la, ntsiꞋi chuŋke ètsə bɔb a si nkwà̧à̧te èbu bɔb ngwènè àpfəè.

Ebùlù 8:12

Maa nga eku tèsȩ tɔb ane mènəè bɔ fà̧à̧tè la, mè ngwaꞋa mènəè kàbɔ̀ŋ mɔb.”

ÀfaꞋa 2:37

Mbɨ̀Ꞌɨ̀ bòt bu abot la e zə èngà̧ waa la, e baãaãte awɔb a mèntɨ̧ɨ̧ mɔb. Bɔ biitè a Pità nè bɔntu̧ Yesò ko bu nê, “Bɔnyɨ ba, baa chɨɨme ghɨ̀ naà?”

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Lûm 5:8

Ka Mbɔ̧ɔ̧mà nyɨꞋte èkɔŋ vi abua ya ndɨ̀ wu bà le bele bòt kàbɔ̀ŋ tà ghɨ̀ Yesò Klistò è pfə ambo ya la.

Lûk 5:8

Simùn wu èlen tò ko wu Pità la ye àghɨa a ghɨ̀ la, kwen a si a mbì Yesò nê, “Tê, e mbakà kùꞋu wòt màa wu ne nè la, e ngu wòt kàbɔ̀ŋ.”

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

Matìù 9:13

Bɨ̀ ghǎ nkɨ lə èngà̧ waa e shua la, ‘Maà nkɨà wuê bèmǎnkua tèsȩ, è nka kɨa banyà̧ bɔ kɨ̧ɨ̧me la.’ È nka kɨꞋa etɔ bòt bɔ mɨɨtè nê bɔ tɨ̧ɨ̧ ndɨŋndɨ̀ŋ la, e nkɨ̀Ꞌa etɔ bòt kàbɔ̀ŋ.”

Lûk 17:12

Tà kɨꞋɨ tà me nyi àpfəè àko, bòt àghɔ̧atsɔꞋɔ ko èghem e tɨ̧ɨ̧ a endɨ̌

Matìù 6:5

“Àfɨ̀Ꞌ àgème bɨ̀a ntsàꞋta Mbɔ̧ɔ̧mà la bɨ̀ ka ngɨ̀ mbɨ̀Ꞌɨ̀ bòt bu bɔ̀ɔ shua nê bɔ wu àghɨa kà wu yùà àa ngɨ̀à la. Bɔ̀ɔ ngɨ̀ bɔ̀ me tsàꞋte a Mbɔ̧ɔ̧mà, bɔ me kɔ̀ŋkè etɨ̧ɨ̧ àtatsi a èbem lobte Mbɔ̧ɔ̧mà, mè me kɔ̀ŋkè etɨ̧ɨ̧ a tèngète balu̧ mbɨ̀Ꞌɨ̀ bòt aa me ye awɔb. Ane nkûŋ, tsiꞋ è shua wɨ̧ nê bɔ bɔ àbȩ̀ yɔb tè ndɔ̀Ꞌ.

Matìù 10:3

Filìb bɔ̂ Bàtòlomiò, Tɔmasì bɔ̂ Màtìù nɨa mèkab taksì, Jimsì waã Alfeɔ̀ bɔ̂ Tàdià,

Ntu̧ Ntsɔ̧̀ MAK 11:25

À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Lûk 22:41

Tà sà àwɔb nyaꞋa nga a endɨ̌, ntèmè tènjûŋ ti a si ntsàꞋtè a Mbɔ̧ɔ̧mà nê,