Lûk 15:5 - Mundani

⁵ Tà me ghɨ̌ te ndzea ko tàa taꞋa wùꞋtè àvi kwat te etsiꞋi nɔ̀ŋe atò a tèkwȩ ti

Lûk 15:5 Referans Kwoze

Ebùlù 12:2

Bà neeta ntsìte àghɨ aya ane Yesò wu tà wu mèmbùꞋu nè mèndìa ànəê yu ba zǐ èntɨ̧ɨ̧ wa adù̧ la. Tà li nga ambo mèngùꞋte mu nchɨꞋa tò la, nkùùle èntɨ̧ɨ̧ vi mpfə a mbɨ̧̀ mbasa kà bɔ àtsəa kɔꞋɔ. Tà wu àfɨ̀Ꞌ yaa àbâ àbualu̧ àtɨ̧a kèfɔ̧̀ Mbɔ̧ɔ̧mà tà tseke la.

Lûk 19:9

Yesò shu abua tò nê, “Mâ kɨꞋɨ a lob yê laane etsì àwê bɨ bòt bê a èbem kàbɔ̀ŋ wɨ̧. Ngu nê, àwɔ̀ Zàkià, à tsiꞋi ngule wòt àndǎ̧ tǎt wa Abàlàghâm mɨ̧̂.

Lûk 23:43

Yesò shu abua tò nê, “KwàꞋ ane nkûŋ tsiꞋ è shu awê nê, laane waa aa wu ba nè a palàdȩê.”

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

2 Tɔ̀màtià 2:26

A wu ale, ko ateko mèyǐ mɔb naa mě ekua tê bɔɔ dzəâ a èbem àtaã Satàn yu a li mbà̧à̧ àwɔb bɔ tsiꞋa nkùŋà mènəè tò la.

1 Tèsàlonikà 1:5

Ba li bàà ka nɨ Ntu̧ Ntsɔ̧̀ yu ekɨꞋɨ abua yɨ̧ wuê ane èngǎ̧ ètsəê. È li nkɨ̀Ꞌɨ̂ nè mètàŋ nè Fo Kèfə ndâ kùbte awɨ̧. Bɨ ko ndɨ ba li ngu ayɔɔ yɨ̧ ale me tseke la. Ba li ngua ngɨ̀à ale ane ntsɔ̧̀ wɨ̧.

Efesɔ̀s 3:7

Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Efesɔ̀s 2:10

Ba wu àbu àfaꞋa Mbɔ̧ɔ̧mà. Tà lè gha ane àghɨa Yesò Klistò ghɨ̀ la, ngɨ̀ awa nê bà me ghɨ̀ mènəè ntsɔ̧̀. Eyaa wu àghɨa tà li ndzaŋe taŋke abua ya nê bà me ghɨ̀ la.

Jɔ̌n 15:11

E shua wɨ̧ mènəè maa ègème mbɨ̀Ꞌɨ̀ èntɨ̧ɨ̧ wɨ̧ aa me bɔ̌ mbɨꞋɨ̀ è wɔ̧, mèngùꞋte naa mèe lu̧u̧ a mèntɨ̧ɨ̧ mɨ̧.

Lûk 15:4

“Tè wòt ane yɨ̧ bɔ njɨ̀tsə ènkɨ̀, yemɔ̀Ꞌ nyɔ̂ ko tà ka saame tu èghem yebəèꞋa ntsɔ̀b tebəꞋa la a ègwet èghem e ghǎ me kɨ yu yemɔ̀Ꞌ e nyɔ la te e ghɨ̌ ye ka etseke a si à?

Lûk 15:6

enɨ gha àpfəè. Mbɔ̂ ngɨ̀ ale nkàꞋà bèshu̧ bi nè bòt bu àpfəè yeamɔꞋ nè tò la nê, ‘Bɨ̀ bù̧ù̧te enu ndɔŋ ngùꞋtè àwɨ̧ ba nɨ̧̀ ba. Njɨ̀ yaã li nyɔ̂, ka mâ ye.’