Lûk 14:23 - Mundani

²³ “Tǎt wafàꞋ wu mè shu abua tò nê, ‘Ghǎ a mèlu̧ mbȩtsə nè bɔbɔlu̧, ngɨ̀ bòt e kɨꞋɨ mbɨ̀Ꞌɨ̀ lob yaã naa lu̧.

Lûk 14:23 Referans Kwoze

Kɔ̀losìà 1:28

Baà shua waa waa ànəa Yesò, nɨa èyì nyɨ̀Ꞌta waa waa, mè səèŋkà ètû̧ bɔb mbɨ̀Ꞌɨ̀ bà me nɨ wòt ègème tà tsiꞋi àghɨ yeamɔꞋ nè Yesò Klistò la nkɨ̀Ꞌa a mbì Mbɔ̧ɔ̧mà, ŋut kuꞋu ane ebà ègème.

2 Kɔlìn 5:11

Ba ko àghɨa màmbɔ kèbɔɔ Mbɔ̧ɔ̧mà wu yùà la, ale baa ŋwète bòt nê bɔ̀ zì mèntɨ̧ɨ̧ mɔb ane Yesò Klistò. Mbɔ̧ɔ̧mà ko àghɨa bà wu yùà la, e mè me mɨ̀ɨ̀te nê bɨ̀a mbɔŋ e ko bòt bà wu bùà la mɨ̧̂.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

2 Kɔlìn 5:20

Ale, ba wu bòt Yesò Klistò tsàà àwa nê bà me làꞋà àdziꞋa zi la. A wu mbɨ̀Ꞌɨ̀ Mbɔ̧ɔ̧mà nɨ mètsəê ma ka me laꞋa abua bòt. Ba shu̧u̧te awɨ̧ ane èlen Yesò Klistò nê, bɨ̀ kɨꞋɨ ngɨ̀ àlàŋkè nè Mbɔ̧ɔ̧mà!

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Lûm 10:18

Ka tsiꞋ è mbììtè nê tè bɔ bakà zəəè? Ane nkûŋ, bɔ zə, nkàà nê Àkata Mbɔ̧ɔ̧mà a laꞋnê, “Ànəa bɔ̀ làꞋà la, a gha a èdziꞋ ègème a sitsǎꞋ, Mèngǎ̧ mɔb mè nga a bètɔ̀Ꞌa ngɔ̀ŋ bàgème.”

ÀfaꞋa 28:28

Pɔ̂l è ghɨ̀ ale, tà lìà nê, “Bɨ̀ ko nê Ntu̧ Ntsɔ̧̀ yu nàa shua ndɨ Mbɔ̧ɔ̧mà nàa tsǐ bòt a èbem kàbɔ̀ŋ wɔb la, è ghà tê ngu abua bòt kà wu Bèjuê, tè bɔ̀ɔ wu e yutè.”

ÀfaꞋa 18:6

AfɨꞋa bɔ ntu̧ ànəa Pɔ̂l shua la, mè me làꞋà mènəè kàbɔ̀ŋ ane tò la, tà ŋȩ̀ àwɔb, nyìꞋì àbeb ntsi ane ndǐ ti ndèb kwen zi. Me shua wɔb nê, “Bɨ lia nyɔ̂, ko à yu a ye awɨ̧. È ntsě èsaꞋa am.” E bùꞋu àfɨ̀Ꞌ yaa me ghà ne mbì, maa sà àwɨ̧ eghǎ me làꞋa èngǎ̧ Mbɔ̧ɔ̧mà abua bòt kà wu Bèjuê.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

Matìù 21:43

“Ale, Yesò mè nê ‘TsiꞋ è shua wɨ̧ nê bɔɔ nɨ àdziꞋ yu Mbɔ̧ɔ̧mà ŋa abua yɨ̧ a èbem Kèfɔ̧̀ vi la eŋa abua bòt bɔɔ ghɨ̌ àghɨa Mbɔ̧ɔ̧mà nàa nkɨà la.’ ”

ÀfaꞋa 16:15

Bɔ zì atò a èdzî bɔ̂ bòt lob tò, tà kàꞋ awa nê “Ndɨ̀ wu bɨ laꞋnê e ntsiꞋi ngule wòt Yesò la, bɨ̀ kɨꞋɨ me tseke a lob yaã.” Èngǎ̧ tò wu e ŋwèèlè awa ngɨ̀ ba gha a lob və.

Lûk 24:29

Bɔ shu̧u̧te atò nê, tà ka tsi ngà nè mbì, nê tà ghɨa bɔ̂ tò ba è li nkàà nê àfɨ̀Ꞌ a ghà te nyèm ntsiꞋa fèna fene. Ale, Yesò ghà bɔ̂ tò ba aa li.

Matìù 5:41

Wòt baãaã a wê nê nɨ avi ntù̧ù̧ àgua èdzî yeamɔꞋ, à tsiꞋi nɨ atò ntù̧ù̧ èguŋ bebe.

Lûk 14:22

“WafàꞋ wu kɨ̀Ꞌɨ̂, shu abua tǎt vi nê, ‘Tê, mâ ghà tê ngɨ̀ àghɨa à shu la, ka lob ka lu̧.’

Lûk 14:24

TsiꞋ è shu awɨ̧ bɨ̀agème nê, wòt kǒ ane bòt bu maa kàꞋ la è ka yute àghɨ àdziꞋa èpà̧ am a.’ ”