Lûk 13:17 - Mundani

¹⁷ Èngà̧ waa Yesò làꞋà la e ghɨ̀ ètsə bɔmbù̧ tò bàgème e kɔꞋ kwàꞋ abot, mbɔ̂ ebeko nè bòt e me wùꞋtè àwɔb ane ènəê nɨ̧ baa tà ghɨ̀à la.

Lûk 13:17 Referans Kwoze

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

2 Tɔ̀màtià 3:9

BetsiꞋa bòt ngaa è ka gha a endɨ̌, nkàà nê bòt ko aa ye nê, bɔ wu èkèghɨ̧̀, wuê mbɨ̀Ꞌɨ̀ bɔ̀ li ndze nê Janèsìs bɔ̂ Jamblès wu èkèghɨ̧̀ la.

ÀfaꞋa 4:21

Bòt èsaꞋa bu e shu awɔb nê, bɔ mè ndàꞋ ànəê ane ànəa Yesò, ko aa bɨɨ abà yɔb. Mbɨ̀Ꞌɨ̀ bɔ ŋȩte awɔb ale la, bɔ bɔ̂ sà àwɔb bɔ me ghǎ. Bɔ ghɨ̀ ale, bɔ̀ ka ye èlu̧ bɔ̀ɔ ŋa awɔb ngoꞋ la, ngu ndɨ wu waa waa nàa ngùꞋtà a Mbɔ̧ɔ̧mà ane ànəa a ghɨ̀ la.

Lûk 20:40

Ale, wòt kà tsi mè nyɔꞋte a màmbiite atò èngà̧ ko tsa.

Lûk 19:48

Ka bɔ ka ko ndɨ bɔ̀ɔ ghɨ̌ la, nkàà nê bòt bàgème è le wua njùtâ mènəè tà shua la, tè wòt kà wua nkɨ̀a nê èngà̧ wemɔꞋ è tsè ka ye zə.

Lûk 18:43

KwàꞋ àfɨꞋa mbɔŋ, àghɨa ŋut a ghaꞋtè tè tà bùꞋ me ye èdziꞋ, nkùŋa a Yesò, ŋa mènkɔ̀ŋke abua Mbɔ̧ɔ̧mà. Ènɔ̧̂ bòt bu e ye àghɨa a ghɨ̀ la, ŋà mènkɔ̀ŋke abua Mbɔ̧ɔ̧mà mɨ̧̂.

Lûk 14:6

A tsè àwɔb ndɨ bɔ̀ɔ bɨ̀ɨ̀lè la.

Tȩtɔ̀s 2:8

LàꞋà wuê mèngǎ̧ ntsɔ̧̀ ane ndɨ betsiꞋa wòt kà koê ndaꞋa kàbɔ̀ŋ adù̧ la, mbɨ̀Ꞌɨ̀ ètsə bɔmbù̧ bê aa kɔꞋɔ ndɨ̀ wu bɔ̀ baka ye ànəa kàbɔ̀ŋ elàꞋa adù̧ ya la.