Lûk 12:20 - Mundani

²⁰ “Mbɨ̀Ꞌɨ̀ tà làꞋ ale la, Mbɔ̧ɔ̧mà shu abua tò nê, ‘Ye àkèghɨ̧̀ àko. Fo yê naa dzəâ ane yê kwàꞋ ètsəꞋ waa. Waa nàa li jɨ èghɨ bàà à paŋe la à?’ ”

Lûk 12:20 Referans Kwoze

1 Tɔ̀màtià 6:7

Ba li bà ka nɨ àghɨ ako enɨ kɨꞋɨ a ngɔ̀ŋ ŋaa, bà ka wu li me ghǎ enɨ àghɨ ako.

Jimsì 4:14

Bɨ̀a ngɨ̀ bɨ̀ me ghɨ̀ ale, bɨ̀ ka lem nko ndɨ tètsɔꞋ nàa sàꞋa wu la. Mèntsèke mɨ̧ a sitsǎꞋ ŋàa wu ghà à? Bɨ bê ngu wuê mbɨ̀Ꞌɨ̀ lèbaŋa wu wòt nàà ngɨ̀ ye, àdziꞋ me wù̧ù̧ne è kà tsi nguê la.

1 Tèsàlonikà 5:3

Naa li ngu àfɨꞋa bòt e buêꞋ me shu nê èdziꞋ ègème e nɔ̀ŋke ntsɔ̧̀ tè àghɨ à ka tsi ngu e ghɨ̀ la, ka ngoꞋ kèkweelè bê nkwène adù̧ yɔb mbɨ̀Ꞌɨ̀ waã nàa ngɨ̀ è lɔꞋɔ ane àvi la, tè bɔ̀ ka tsi nkoê ndùùlà.

Lûk 11:40

Ye èkèghɨ̧̀ ko. Ka wu Mbɔ̧ɔ̧mà wu tà bɔ̧ɔ̧ àbȩ la tà bɔ̧ɔ̧ èbèm mɨ̧̂ la à?

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.