Lûk 12:1 - Mundani

¹ Mbɨ̀Ꞌɨ̀ ènɔ̧̂ bòt e yaãaã tê bòt e tsiꞋa ntɔ̀Ꞌtà beko la, Yesò bɨ̀ shu abua bɔkatè bi nê, “Bɨ̀ me ko awɨ̧ ane yis Bèfalèsiì, è wù àghɨa kà wu yùà la.

Lûk 12:1 Referans Kwoze

1 Pità 2:1

Mbɨ̀Ꞌɨ̀ àa nè la, bɨ̀ waꞋa mènəè kàbɔ̀ŋ ègème bɨ̀a ngɨ̀à la. Bɨ̀ ka tsi ndàꞋ mèfà̧; bɨ̀ ka me ghɨ̀ mènəè nɨa mvəèəèlà àghɨ a bòt; bɨ̀ ka tsi ngòꞋnè bòt; bɨ̀ ka tsi me làꞋa ntsò̧ò̧tà bòt mɨ̧̂.

Jimsì 3:17

Ka èyì wu e dzəâ abua Mbɔ̧ɔ̧mà la wu ndâ èyì. Wòt tà bɔ èyì mbɔŋ la è bɨ̂ ngu wòt tàa ka zi àbu àzi a èbem mènəè kàbɔ̀ŋ la, mbɔ̂ me ghɨ̌ àlàŋkè, me bɔɔle avi, njùtâ ànəa bòt ko tsa àa shua la, ntaꞋa wua nkua tèsȩ, mè me ghɨ̀ mènəè ntsɔ̧̀, tà kà wua mbà̧à̧ta bòt ndȩ̀à mèsi, tà kà meè ngua fɨ̀tâ.

Lûk 12:56

Ye bòt ko bɔ̀ɔ shua nê bɔ wu àghɨa kà wu yùà la. Bɨà nkoa ndȩ̀à ègwelebuule nè sitsǎꞋ shua ndɨ àa wu la. Ghǎ ghɨ̂ ka bɨ̀ ka wu eko shu ndɨ àbȩ àa la à?

1 Kɔlìn 15:3

E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

Lûk 11:44

“Aa li bɨa awɨ̧, nkàà nê bɨ wu mbɨ̀Ꞌɨ̀ ètsəsì ka ye àlȩê, bòt àa ntɔ̀Ꞌtà kà ko laꞋ nê bɔ tɔ̀Ꞌtà àghɨa kàbɔ̀ŋ la.”

Lûk 6:17

Yesò chu a ègwet èku̧u̧nè nè bɔntu̧ bu ntɨ̧ɨ̧ àdzìꞋa si tètoêꞋ, nè taꞋà ènɔ̧̂ bɔkatè bi nè taꞋà ènɔ̧̂ bòt bɔ dzəè a èdziꞋ ègème a Jùdià nè Jèlusalèm fɔɔle nè bòt bɔ dzəa Tȩê bɔ̂ Sidɔ̀n, è wu èpfəè nɨ̧ a ngèt *èdzî la.

Lûk 5:15

Ka mènəè Yesò mu paa mbùà ngà wu nè mbì. Bòt nyaŋ e kɨꞋɨ̀ ezə èngǎ̧ tò, tàa mě bə bòt ngò̧ò̧nà la.

Lûk 5:1

È li ngu ane àli ako Yesò tɨ̧ɨ̧ a ngèt èlemè Gènesalèt, bòt e me nùŋna nkɨ̀Ꞌa a mbì tò ezə èngǎ̧ Mbɔ̧ɔ̧mà.

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.