Bib sou entènèt

Lûk 11:9 - Mundani

⁹ E ngua shu awɨ̧ nê, bɨ̀ lo̧, ko Mbɔ̧ɔ̧mà naa ŋa, nkɨ̂ ko taa ghɨ̌ bɨa ye, mè ndùꞋte ètsələèꞋ ko taa tsɔꞋɔ abua yɨ̧.

Gade chapit la Kopi

tounen moute ⬆

Lûk 11:9
40 Referans Kwoze

Ntu̧ Ntsɔ̧̀ MAK 11:24

È wu ale, mâ shua wɨ̧ nê, wòt me tsàꞋte a Mbɔ̧ɔ̧mà ndò̧o̧ àghɨ, mbɔ̌ ntɨ̀ nê ye bɔ àghɨa ngaa tè ndɔ̀Ꞌ, ko taa bɔ àghɨ àgème tà lo̧o̧ la.

Matìù 21:22

Bɨ mè me biite àghɨ abua Mbɔ̧ɔ̧mà bɨ̧̀ɨ̧̀ne a mèntɨ̧ɨ̧ mɨ̧ nê tàa ŋa, ko bɨa bɔ yùà.”

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Jɔ̌n 15:7

Bɨ wu àghɨ yeamɔꞋ nè nà̧, mèngǎ̧ mɔ̧ mè ngu a mèntɨ̧ɨ̧ mɨ̧, ko bɨa biite a Tǎt am àghɨ àgème bɨ kɔ̀ŋkè la, taa ŋa.

Jɔ̌n 14:13

Ale, àghɨ àgème bɨ̀a lo̧o̧ abua Tǎt am ane èlen laã la, maa ghɨ̌, mbɨꞋɨ̀ e ghɨ̌ bòt aa wùꞋte a Tǎt am nkàà èghɨ bu mmɔ̌ Waã tò màa ngɨ̀à la.

1 Jɔ̌n 3:22

Bàa ngɨ̀ bà lo̧ àghɨ tè tà ŋa, nkàà nê baa ndzəa tò mè ngɨ̀à àghɨa tàa nkɔ̀ŋkà la.

Jimsì 1:5

Wòt bùa èyì, tà lò̧o̧ abua Mbɔ̧ɔ̧mà wu tàa ŋǎ èyì abua wòt ègème la, ko tàa ŋa abua tò. Tàà kà kuꞋte àbu, tà kà wua ŋȩ̀ta.

Ebùlù 11:6

Wòt bakà zi èntɨ̧ɨ̧ vi ane Mbɔ̧ɔ̧mà ko aa kweele ka èntɨ̧ɨ̧ Mbɔ̧ɔ̧mà e me bɔ̌ ane tò. Aa ale nkàà nê, wòt ègème tà kɨꞋɨ abua Mbɔ̧ɔ̧mà la, è bɔ ndɨ tàa bɨ̧ɨ̧ne nê tàà və la, mè ngu wòt tàa ŋǎ àbȩ̀ bòt bu bɔ̀ɔ nkɨà tò nè èntɨ̧ɨ̧ wɔb wemɔꞋ la.

Jimsì 5:15

Bɔ me tsàꞋte ale, ndzì èntɨ̧ɨ̧ wɔb ane Mbɔ̧ɔ̧mà ko aa ghɨ̌ ngò̧ò̧nà wu naa kweele. Bɔ ghɨ ale ko Mbɔ̧ɔ̧mà naa lɔ̀ke atò, e mèe waꞋa a kàbɔ̀ŋ tò, na è wu nê tà ghɨ̀à kàbɔ̀ŋ la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Matìù 6:29

Ka e ngua shua wɨ̧ nê èmàà ngu wuê fɔ̧̀ Sàlemun nè mèkab mi, ko tà lè kaꞋa bɔ ndǐtsə mbɨ̀Ꞌɨ̀ mekǒ ane mèfəèꞋ mbɔŋ.

2 Kɔlìn 6:2

Mbɔ̧ɔ̧mà laꞋnê, “Mâ zə àtɔŋ dɨ̀ ayɨ̧ àfɨꞋa ntsɔ̧̀, È li ngu àfɨꞋa mâ ghɨ̂ bòt aa peme la, e ntɨ̀ŋe àwɨ̧. Bɨ̀ zə, eyaa wu àfɨꞋa ntsɔ̧̀; bɨ̀ zə, eyaa wu àfɨꞋa Mbɔ̧ɔ̧mà nàa ghɨ̌ bɨa peme la.”

Ntu̧ Ntsɔ̧̀ MAK 13:37

Maà shuà èngà̧ waa abua yɨ̧ ale, mè ngua shua abua waa waa nê, ‘Bɨ̀ me lȩ̂ èdziꞋ!’ ”

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Matìù 21:31

“Yesò làꞋ ale mbɔ̂ mbììte nê ane bɔ̧ bàa babe la wàa li ngɨ̀ àghɨa tǎt tò li ngua nkɨà nê tà ghɨa la à?” Bɔ bɨ̀ɨ̀lè nê “Èwe mbì.” Ale, Yesò shu abua yɔb nê “Ane nkûŋ tsiꞋ è shua wɨ̧ nê, bèfetà èkab taksì nè bèghȩ̀ȩ̀nè ghȩ̀ȩ̀ne aa pààtè àwɨ̧ wàa e nyi a Kèfɔ̧̀ Mbɔ̧ɔ̧mà.

Ètsə 2:24

È me wu àbəèꞋ àyɨ̧ yu a Tȩ̀tilà bɨ baka bɨ̧ɨ̧ne èghɨ bu Jezebèl nàa nyɨ̀Ꞌta la, bɨ̀ ka meè nko èghɨ bu bòt àa ntɔ nê wu ngule ènəê ndò̧ Satàn la, ko mâ shu abua yɨ̧ nê è nka tsi nɔ̀ŋe àbòꞋà ko tsa a ègwet lɨ̧ a.

Lûk 11:10

Nkàà nê wòt ègème tà lo̧ la nàà bɔ, wòt tà kɨ la ye, èwe tà luꞋte ètsələèꞋ la bɔ tsɔꞋa abua tò.

Swiv nou:

Lyen patwone

Piblisite

Piblisite